Azərbaycan, Bakı, 17 iyul / Trend , A.Hüseynbala /
Azərbaycan parlamentinin komitə sədri "Diffamasiya haqqında" qanun layihəsinin müzakirəyə çıxarılmasının əleyhinədir.
"Hesab edirəm ki, bu layihənin parlamentin müzakirəsinə çıxarmazdan əvvəl ona ictimaiyyətin münasibətini dəqiqləşdirmək lazımdır", - cümə günü Trend -a Milli Məclisin İnsan haqları komitəsinin sədri Rəbiyyət Aslanova bildirib.
Trend -un arayışı: "Diffamasiya haqqında" qanun layihəsi 2005-ci ildə ATƏT-in Bakı ofisinin dəstəyi ilə hazırlanıb. Onu hazırlayan işçi qrupuna millət vəkillləri Qənirə Paşayeva, Azay Quliyev, jurnalist təşkilatlarının nümayəndələri, hüquqşünaslar daxildir.
Beynəlxalq təşkilatlar hesab edirlər ki, təhqirə və böhtana görə cinayət məsuliyyəti nəzərdə tutulan 147-ci (böhtan) və 148-ci (təhqir) maddələr Cinayət Məcəlləsindən çıxarılmalıdır.
Aslanovanın sözlərinə görə, "Diffamasiya haqqında" qanun layihəsinin parlamentin müzakirəsinə təqdim olunmasından əvvəl ictimai rəyin müəyyənləşdirilməsi çox vacibdir. "Biz hər şeydən əvvəl bu qanunun qəbuluna cəmiyyətdə ehtiyac olub-olmadığını bilməliyik. Cəmiyyətin münasibəti dəqiqləşmədiyinə görə şəxsən mən layihənin müzakirəsinin əleyhinəyəm", - komitə sədri əlavə edib.
Onun fikrincə, bu, hər bir vətəndaşın maraq və mənafeyinə cavab verəcək qanun olmalıdır. "İnsanların buna müansibəti necədir, hər kəs onun şərəf və ləyaqətinə qarşı yönəlmiş ifadələrə görə insanların cəzalandırılmamasına razıdırmı? Buna görə hər bir kəsin mövqeyi bizim üçün önəmlidir", - Aslanova vurğulayıb.
Komitə sədri deyib ki, cəmiyyətdə yekdil mövqe formalaşandan sonra "Diffamasiya haqqında" qanun layihəsin parlamentin müzakirəsinə təqdim etmək olar. "Bizim məqsədimiz layihəni parlamentdə qəbul edib sonradan onu insanlara qəbul etdirmək deyil", - millət vəkili bildirib.
Azərbaycanda 3300-dən çох kütləvi infоrmаsyiа vаsitəsi qеydiyyаtdаn kеçib. Hаzırdа оnlаrdаn 600-ə yахını fəaliyyət göstərir. Təхminən 400-ə qədər qəzеt və jurnаl dərc оlunur, 20-dən yuхarı tеlеkаnаl fəаliyyət göstərir. Аzərbаycаndа 50-yə yaxın elektron KIV, təxminən 20 informasiya agentliyi vаr. Qalanları isə internet resurslarıdır.
Məqalə müəllifi ilə əlaqə ünvanı: [email protected]
