Azərbaycan, Bakı, 22 sentyabr / Trend , müxbir F. Hüseynli/
Güləş üzrə dünya çempionatında azərbaycanlı idmançı 1/8 finalda erməni güləşçi ilə qarşılaşdı. Mübarizəyə 1/16 mərhələsində başlayan güləşçimiz Zəlimxan Hüseynov (60 kg) rəqibi tacikistanlı idmançısı Vitaliy Koryakini üstələyib. Ondan sonra erməni güləşçisi Artur Arakelyana 3-0, 1-0 hesabı ilə qalib gəldi. ¼ finala çıxan güləşçimiz yapon idmançısı Şoqo Mayedanı 7-4, 4-1 hesabı ilə üstələyib. Yarımfinalda isə Hüseynov özbək güləşçisi Dilşad Mansurova 1-0, 6-2 hesabı ilə qalib gəldi. Finalda güləşçimizin rəqibi rusiyalı Besik Kuduxov idi. Bu mərhələdə Zəlimxan Hüseynov 0-2, 0-4 hesabı ilə uduzaraq, Azərbaycanın bu çempionatda artıq ikinci gümüş medalını qazandı.
İndiki çempionatının bu artıq ikinci Azərbaycan-Rusiya finalı olacaq.
Danimarkanın Herninq şəhərində sentyabrın 21-dən güləş üzrə dünya çempionat start götürüb. Azərbaycan güləşçilərindən Xetaq Qazyumov (96 kg) gümüş medal qazanıb. Şərif Şərifov (84 kg) üçüncü yer uğrunda yarışda rusiyalı rəqibini udaraq, bürünc medal qazandı. Bu gün mübarizəyə qoşulan güləşçilərimizdən Əli İsayev (120 kg) 1/4 finala yüksələ bildi, amma bu mərhələdə uduzub.