Azərbaycan, Bakı, 15 oktyabr / Trend /
Türkiyə və Ermənistan yığmaları arasında 2010-cu il Dünya Çempionatının seçmə turunun son matçında Türkiyə 2:0 hesabı ilə qələbə qazanıb.
Türkiyə yığması görüşün 18-ci dəqiqəsində Xaltıntopun dəqiq baş zərbəsilə vurduğu topla hesabı açıb. 29-cu dəqiqədə müdafiəçi Sərvət Çətinin vurduğu top da rəqib qapısından keçib.
İki ölkənin yığması arasında Dünya Çempionatının seçmə turu çərçivəsində keçirilən matç Bursanın Atatürk stadionunda keçirilib.
Türkiyə və Ermənistan prezidentləri də matçı izləyiblər. Matçda həmçinin UEFA-nın prezidenti Mişel Platin də iştirak edib. Matç 400 yerli və beynəlxalq mətbuat nümayəndəsi tərəfindən işıqlandırılıb, 12 telekanal isə matçı canlı yayımlayıb.
Həm Ermənistan, həm də Türkiyə yığmaları Dünya Çempionatında iştirak etmək şanslarını itiriblər.