Аzərbaycan, Bakı, 7 may /Trend, müxbir M.Əliyev/
Azərbaycanın Ümummilli Lideri Heydər Əliyevin anadan olmasının 87-ci ildönümü münasibətilə Naxçıvanski adına Hərbi Liseydə mayın 10-da "Şahin" hərbi-idman oyunlarının final mərhələsi keçiriləcək. Bu barədə Azərbaycanın Gənclər və İdman Nazirliyinin məlumatında deyilir.
"Şahin" hərbi-idman oyunları Azərbaycan məktəblilərinin hərbi-vətənpərvərlik tərbiyəsini gücləndirmək, həmçinin, onların hərbi xidmətə hazırlığı məqsədilə 1996-cı ildən başlayaraq hər il keçirilir.