Azərbaycan, Bakı, 22 oktyabr /Trend, müxbir K.Zərbalıyeva/
Azərbaycanda ədliyyə orqanlarına qulluğa qəbulla bağlı müsabiqəyə yekun vurulub.
Ədliyyə Nazirliyinin mətbuat xidmətinin cümə günü yaydığı məlumata görə, müsabiqə nəticəsində 64 nəfər müvəffəqiyyət qazanıb.
Ədliyyə Nazirliyinin Müsabiqə Komissiyasının qərarına əsasən, həmin namizədlərin qanunvericiliyin tələblərinə müvafiq olaraq, peşə fəaliyyətinə buraxılması məqsədilə Ədliyyə Akademiyasında icbari təlimin keçirilməsinə bu ilin oktyabrın 25-də başlanılacaq.