Azərbaycan, Bakı, 25 oktyabr /Trend/
Azərbaycan Dövlət Kino-Foto Sənədləri Arxivinə bu il 2 084 saxlama sənədi daxil olub. Bu barədə bazar ertəsi Dövlət Kino-Foto Sənədləri Arxivinin yaydığı məlumatda bildirilir.
Məlumata görə, onlardan 684 saxlama vahidini kinosənədlər, 1 400 saxlama vahidini fotosənədlər təşkil edir. Kinosənədlər (kinoxronika) Mədəniyyət və Turizm Nazirliyinin "Salnamə" sənədli filmlər studiyasından, fotosənədlər Milli Məclisin mətbuat xidmətindən, AzərTAc İnformasiya Agentliyindən, "Azərbaycan" qəzetindən daxil olub.