Azərbaycan, Bakı, 8 aprel /Trend, müxbir K.Zərbalıyeva/
Səhiyyə Nazirliyi otorinolarinqologiya və allerqologiya ixtisasları üzrə aprelin 6-da keçirilən test imtahanlarının nəticələrini açıqlayıb.
Səhiyyə Nazirliyin mətbuat xidmətindən Trend-ə verilən məlumata görə, imtahanda iştirak edən 36 həkimin hamısı müvəffəqiyyət qazanıb. İştirakçılardan 5 həkim 100 bal toplayaraq ən yüksək nəticə göstəriblər.
Növbəti test imtahanları epidemiologiya və terapiya ixtisasları üzrə aprelin 13-də keçiriləcək.