Azərbaycan, Bakı, 17 aprel /Trend/
Bu gün Azərbaycan Premyer Liqasının XXVII turu çərçivəsində keçirilən "Neftçi"- AZAL komandalarının oyunu flaqmanın 2:1 hesablı qələbəsi ilə başa çatıb.
Trend-in məlumatına görə, oyunun birinci hissəsində 0:1 hesabı ilə məğlub olan "Neftçi" ikinci hissənin ilk dəqiqələrində iki top vurmaqla çempionluq şanslarını daha da artırıblar.
Qeyd edək ki, ikinci yerdə qərarlaşan "Xəzər-Lənkaran" komandası dünən "İnter"lə keçirdiyi ev oyununda 1:1 oynamaqla vacib xal itirib.
Artıq "Neftçi" özünə yaxın izləyicisi olan "Xəzər-Lənkaran"la xal fərqini 8-ə çatdırıb.
"Neftçi" 59 xalla birinci, "Xəzər Lənkəran" 51 xalla ikinci, "Qarabağ" isə 50 xalla üçüncü pillədədir.