Azərbaycan, Bakı, 11 iyul / Trend , müxbir İ.İsabalayeva/
Azərbaycan Səhiyyə Nazirliyi Respublika Gigiyena və Epidemiologiya Mərkəzi (RGEM) ticarət mərkəzlərində satılan kolbasa və kolbasa məmulatlarının təhlükəsizlik göstəricilərini öyrənmək məqsədilə yoxlamalara başlayıb. Bu barədə Trend-ə RGEM-in qidalanma gigiyenası bölməsinin müdiri İmran Abdullayev məlumat verib.
O bildirib ki, yoxlamalar Bakı, Sumqayıt şəhərləri və Abşeron rayonundakı ticarət mərkəzlərində aparılacaq. Mərkəz ticarət mərkəzləri ilə yanaşı, istehsal müəssisələrindəki kolbasa və kolbasa məmulatlarının da təhlükəsizlik göstəricilərini yoxlayacaq.
