Azərbaycan, Bakı, 22 sentyabr /Trend, müxbir T.Hacıyev/
Azərbaycanın daha bir idmançısı London Yay Olimpiya Oyunlarına lisenziya qazanıb.
Azərbaycan Gənclər və İdman Nazirliyindən Trend-ə verilən məlumata görə,
sentyabrın 20-də Danimarkanın Kopenhagen şəhərində velosiped idman növü üzrə keçirilən dünya çempionatında Azərbaycan yığma komandasının üzvü Çalax Yelena 27.8 km məsafədə 38.08.22 nəticə göstərərək 13-cü yerə layiq görülüb.
Bu nəticə Çalax Yelenaya London Yay Olimpiya Oyunlarına lisenziya qazandırıb.
Bununla da Azərbaycan yığmasının London-2012-yə qazandığı lisenziyaların sayı 17-yə çatıb.