...

Trend.az: 22 milyondan artıq səhifə oxunub

Cəmiyyət Materials 3 Oktyabr 2011 15:10 (UTC +04:00)
2011-ci ilin yanvar-sentyabr aylarında Trend Beynəlxalq İnformasiya Agentliyinin www.Trend.Az internet resurslarına baxış ötən ilin müvafiq dövründəki 13,48 milyona qarşı 22,351 milyon səhifəni ötüb.
Trend.az: 22 milyondan artıq səhifə oxunub

Trend-i buradan izləyin

Azərbaycan, Bakı, 3 oktyabr /Trend/

2011-ci ilin yanvar-sentyabr aylarında Trend Beynəlxalq İnformasiya Agentliyinin www.Trend.Az internet resurslarına baxış ötən ilin müvafiq dövründəki 13,48 milyona qarşı 22,351 milyon səhifəni ötüb.

"Google Analytics" xidmətinin məlumatına görə, bu dövrdə səhifələrə baxışların sayı orta hesabla sutkada 83 min təşkil edib. 2010-cu ilin yanvar-sentyabrında bu göstərici sutkada 50 min olub.

Sentyabrda www.Trend.Az-a baxışların sayı 85 min orta sutkalıq göstərici ilə təxminən 2,56 milyon səhifə olub.

2011-ci ilin yanvar-sentyabr ayları ərzində Trend BİA-nın saytına daxilolmaların sayı 6,675 milyon u ötüb. Bu, 2010-cu ilin anoloji göstəricisindən 5,24 faiz çoxdur.

2011-ci ilin yanvar-sentyabr ayları ərzində orta sutkalıq daxilolmaların sayı təxminən 25 min olub.

1995-ci ildə Azərbaycanda yaradılmış Trend özəl informasiya agentliyi Qafqazda və Xəzəryanı regionda aparıcı xəbər tədarükçüsüdür. Trend Xəzəryanı region, Qafqaz və Mərkəzi Asiya ölkələrinin siyasəti və iqtisadiyyatı haqqında etibarlı və operativ xəbər mənbəyi kimi tanınıb .

Moody's International Trend -a xəbərlərin və analitik məqalələrin, eləcə də video-foto materialların istehsalı və yayımlanmasına dair sertifikat verib. Şirkət TREND-in idarəetmə sisteminin ISO 9001-2000 tələblərinə cavab verdiyini təsdiq edib.

2010-cu ildə Trend Asiya və Sakit Okean ölkələri informasiya agentlikləri Təşkilatına (OANA) üzv seçilib.

Trend gün ərzində beş dildə - Azərbaycan, ingilis, rus, fars və ərəb dillərində 600-ə yaxın xəbər dərc edir.

Trend gündəlik iqtisadi məlumat bülleteni, "Trend Oil and Gas" gündəlik nəşrini dərc edir. Orada Xəzər və Mərkəzi Asiyanın neft-qaz bazarları işıqlandırılır. "Trend Transport" regionun nəqliyyat sektorunun xülasəsidir. "Trend Weekly Business Report" və "Trend Monthly Business Report" ölkə iqtisadiyyatının makroiqtisadi göstəricilərinin xülasəsi, "Trend Finances" ixtisaslaşmış nəşri maliyyə sektorunun məlumat xülasəsi, "Iran Economy Review" - İranın makroiqtisadi xülasəsidir.

Trend-in xəbər və analitik məhsullarının abunəçiləri arasında müxtəlif ölkələrin dövlət və hökumət strukturları , dünyanın iri kommersiya və maliyyə şirkətləri, aparıcı KİV və analitik mərkəzlər var.

Xəbər lenti

Xəbər lenti