Azərbaycan, Bakı, 19 oktyabr /Trend, müxbir İ.İsabalayeva/
Azərbaycan Mədəniyyət və Turizm Nazirliyi gələn il respublikamızın turizm potensialını təbliğ etmək məqsədilə 18 beynəlxalq turizm sərgisində iştirak edəcək. Nazirlikdən çərşənbə günü Trend-ə verilən məlumata görə, gələn il ilk sərgi "Ferien Messe" adı altında yanvarın 12-15-də Avstriyada (Vyana) olacaq.
"Times Travel Show" adlanan növbəti sərgi yanvarın 27-29-da ABŞ-da, "CMT" sərgisi yanvarın 14-22-də Almaniyada (Ştuttqart) keçiriləcək.
Azərbaycan gələn il martın 7-11-də Berlində keçiriləcək "İTB", fevralın 9-12-də Türkiyədə (İstanbul) "EMİTT", fevralın 16-19-da İtaliyada (Milan) "BİT", martın 2-4-də Litvada (Vilnüs) "Vivattur", martın 21-24-də Rusiyada (Moskva) "MİTT", aprelin 14-16-da Gürcüstanda (Tbilisi) "Caucasus Tourism Fair", iyunun 14-17-də Çində (Honq-Konq) "İTE and MİCE", iyunda Şanxayda "İnternational Luxury Travel Market", aprelin 13-15-də Polşada (Varşava) "LATO Fair", 30 aprel-3 mayda Birləşmiş Ərəb Əmirliyində (Dubay) "ATM", iyunda Koreyada (Seul) "KOTFA", sentyabrın 18-21-də Fransada (Paris) "Top Resa", sentyabrın 20-23-də Yaponiyada (Tokio) "JATA", oktyabrda Ukraynada (Kiyev) "İnternational Ukraine Travel Market", noyabrın 5-8-də İngiltərədə (London) "WТМ" sərgilərində iştirak edəcək.