Azərbaycan, Bakı, 10 yanvar /Trend, müxbir İ.İsabalayeva/
Azərbaycanda neft hasilatının həcmi ildə 60-65 milyon tona çata bilər. Trend-in məlumatına görə, bunu çərşənbə axşamı jurnalistlərə Azərbaycan Milli Elmlər Akademiyasının Geologiya İnstitutunun direktoru Akif Əlizadə deyib.
"Azərbaycanın neft-qaz yataqları olduqca çoxdur. Hazırda Azəbaycan ildə 50 milyon ton neft istehsal edir. Güman edirəm ki, bu rəqəm saxlanılacaq. Bəlkə də 60-65 milyon tona çata bilər", - Əlizadə əlavə edib.
Onun sözlərinə görə, Cənub Xəzər hövzəsinin geoloji tektonik quruluş tarixinin təhlili göstərir ki, burada neft-qaz yataqları olduqca çoxdur.
Əlizadə bildirib ki, qarşıdakı illərdə onların kəşfiyyatının aparılması nəzərdə tutulur.