Bakıda bələdiyyə sədri rüşvət aldığı üçün saxlanılıb

Azərbaycan, Bakı, 30 mart / Trend müxbir K.Zərbalıyeva/

Bakının Binə bələdiyyəsinin sədri və iki üzvü korrupsiya cinayətində günahlandırılaraq saxlanılıblar.

Baş prokuror yanında Korrupsiyaya qarşı Mübarizə İdarəsindən Trend-ə verilən məlumata görə,
Binə qəsəbə bələdiyyəsində sədri Babaxan İsayev və iki bələdiyyə üzvü saxlanılıb.

Onlar rüşvət almaqda və vəzifə saxtakarlığında ittiham olunurlar.

Faktla bağlı Cinayət Məcəlləsinin 311-ci (rüşvət alma) və 313 (vəzifə saxtakarlığı) maddələri ilə cinayət işi başlanıb, istintaq aparılır.