...

Əlillərin VIII Ümumrespublika Yaradıcılıq sərgi-müsabiqəsinin qalibləri mükafatlandırılıb (FOTO)

Cəmiyyət Materials 3 Dekabr 2012 13:14 (UTC +04:00)
Əlillərin VIII Ümumrespublika Yaradıcılıq sərgi-müsabiqəsinin qalibləri mükafatlandırılıb
Əlillərin VIII Ümumrespublika Yaradıcılıq
sərgi-müsabiqəsinin qalibləri mükafatlandırılıb  (FOTO)

Trend-i buradan izləyin

Azərbaycan, Bakı, 3 dekabr /Trend/

Əmək və Əhalinin Sosial Müdafiəsi Nazirliyi tərəfindən təşkil olunan, ölkəmizin müxtəlif bölgələri üzrə 145 nəfər əlil və sağlamlıq imkanı məhdud uşağın ümumilikdə 500-dək əl işinin 3 gün ərzində nümayiş olunduğu Əlillərin VIII Ümumrespublika Yaradıcılıq sərgi-müsabiqəsi dekabrın 1-də yekunlaşıb və sərgi-müsabiqənin qaliblərinin mükafatlandırılması mərasimi olub.

Əmək və Əhalinin Sosial Müdafiəsi Nazirliyinin
İctimaiyyətlə əlaqələr şöbəsindən Trend-ə verilən məlumata görə, mərasimdə iştirak edən Nazirlik yanında Dövlət Sosial Təminat Xidmətinin rəisi Asəf Əliyev əlilliyi olan şəxslərin istedad və bacarıqlarının aşkar edilərək cəmiyyətə təqdim olunması, yaradıcılıq nümunələrinin təbliği, beləliklə, onların cəmiyyətə fəal inteqrasiyasına şərait yaradılması baxımından belə tədbirlərin xüsusi önəm kəsb etdiyini deyib.

Sərgi-müsabiqədə təqdim olunan əsərlərin hər birinin ayrı-ayrılıqda Azərbaycan Rəssamlar İttifaqının katibi, xalq rəssamı, professor Ağəli İbrahimovun rəhbərliyi ilə münsiflər heyəti tərəfindən ətraflı və obyektiv şəkildə müzakirə olunduğunu, rəngkarlıq və qrafika üzrə, dekorativ-tətbiqi sənət üzrə, tikmə və xalçaçılıq üzrə, habelə sağlamlıq imkanları məhdud 18 yaşadək uşaqlar arasında təsviri sənət üzrə qaliblərin müəyyən edildiyini qeyd edən Asəf Əliyev nazirlik rəhbərliyi adından sərgi -müsabiqənin qaliblərini təbrik edib, tədbirin bütün iştirakçılara yeni-yeni yaradıcılıq uğurları arzulayıb.

Bundan sonra sərgi-müsabiqənin qalibləri elan olunub və onlara mükafatlar təqdim olunub. Rəngkarlıq və qrafika üzrə birinci yerə Rəhimov Paşa Əli oğlu (Naxçıvan MR Ordubad rayonu), ikinci yerə Mehdiyev Tərlan Telman oğlu (İsmayıllı rayonu), Bağırov Firudin Qədir oğlu (Biləsuvar rayonu), Quliyev Bəhruz Cəmşid oğlu (Babək rayonu), ücüncü yerə isə Əmirova Aysel Əlimirzə qızı (Nərimanov rayonu), Tağıyev Zaur Vaqif oğlu (Nərimanov rayonu), Məmmədova Seylan Məmməd qızı (Sabunçu rayonu), Dadaşova Səfurə Ramazan qızı (Abşeron rayonu), Lalayev Akif Həsən oğlu (Tərtər rayonu) və Bağırov Mircəfər Cabbar oğlu (Nəsimi rayonu) layiq görülüblər.

Dekorativ-tətbiqi sənət üzrə Yunusov Rəhman Kamil oğlu (Şəki şəhəri) birinci yeri, Cəfərov İlqar Vaqif oğlu (Nizami rayonu) və Lukovskaya Svetlana (Mingəçevir şəhəri) ikinci yeri, Səmədova Hicran Mais qızı (Şəki şəhəri), Alxasova Güləndam Ələkbər qızı (Şəki şəhəri), Məmmədov Ələkbər Rafiq oğlu (Yasamal rayonu) və Novruzov Kamran Cəlil oğlu (Suraxanı rayonu) üçüncü yeri tutublar.

Tikmə və xalçaçılıq üzrə birinci yerə Səmədova Ulduz Gəray qızı (Binəqədi rayonu), ikinci yerə Fərəcova Məhbubə Abdulla qızı (Sabunçu rayonu), Yunusova Şükufə Sirac qızı (Sabunçu rayonu), ücüncü yerə Ələkbərova Minayə İsax qızı (Bərdə rayonu), Mehdiyeva Gövhər Mehdi qızı (Bərdə rayonu), Zülfüqarova Şahxanım Sirac qızı (Astara rayonu) sahib olub.

Sağlamlıq imkanları məhdud 18 yaşadək uşaqlar arasında təsviri sənət üzrə Abdullayev Tural Polad oğlu (Sabunçu rayonu) birinci yerə, Nağıyeva Şəhla Cümşüd qızı (Xəzər rayonu), Nəzirova Zümrüd Rüstəm qızı (Nizami rayonu), Cəfərova Günay Rza qızı (Culfa rayonu) ikinci yerə, Rəhimli Məmmədəli Yaqub oğlu (Səbail rayonu), Hümbətzadə Nərmin Habil qızı (Nizami rayonu) və Xələfli Şamxal Şahid oğlu (Yasamal rayonu) üçüncü yerə yiyələnib. Beləliklə, sərgi-müsabiqədə fərqlənən 30 nəfər əlil müəllifə mükafatlar təqdim olunub. Eyni zamanda, 6 nəfər iştirakçıya həvəsləndirici diplomlar, sərgi-müsabiqənin yer tutmayan iştirakçılarının hər birinə maddi yardım və təşəkkürnamə verilib.

Sərgi-müsabiqənin iştirakçıları ürək sözlərini ifadə edərək, onların yaradıcılığına göstərilən diqqət və qayğıya görə minnətdarlıqlarını bildiriblər.

Məqalədə:
Xəbər lenti

Xəbər lenti