İlk xəbər 14:04-də dərc olunub
Azərbaycan, Bakı, 10 fevral /Trend, müxbir İ.İsabalayeva, M.Əliyev/
Akademik Mahmud Kərimovla vida mərasimi fevralın 11-i saat 12:00-dan başlayaraq 15.00-a qədər Azərbaycan Milli Elmlər Akademiyasının (AMEA) əsas binasında keçiriləcək. Bu barədə Trend-ə AMEA-dan bildiriblər.
Akademiyanın prezidenti Mahmud Kərimovun Fəxri Xiyabanda dəfn olunması gözlənilir.
Xatırladaq ki, AMEA prezidenti Mahmud Kərimovun bazar günü vəfat edib. O qəfil ürəktutmasından dünyasını dəyişib.
Mahmud Kərimov 18 oktyabr 1948-ci ildə İrəvan şəhərində anadan olmuşdu. Azərbaycan Dövlət Universitetinin Fizika fakültəsini bitirmişdi. Yarımkeçicilər və dielektriklər fizikası ixtisası üzrə doktorluq dissertasiyası müdafiə edib. 2001-ci ildə Azərbaycan Milli Elmlər Akademiyasının həqiqi üzvü seçilib, həmin ildən Azərbaycan Milli Elmlər Akademiyasının prezidenti olub.