Azərbaycan, Bakı, 12 iyul /Trend/
"AGBank" ASC daha bir idman yarışına dəstək olub.
Bankdan cümə günü Trend-ə verilən məlumata görə, iyulun 11-də Day.az media şirkətinin 10 illik yubileyinə həsr olunmuş sahmat turniri AGBank-ın baş sponsorluğu ilə keçirilib
Respublika Şahmat məktəbində 10-12 yaşlı Uşaqlar arasında keçirilən yarış hər kəsin böyük marağına səbəb olub. Şahmat turnirinin sonunda qaliblərə "AGBank" ASC tərəfindən dəyərli hədiyyələr təqdim olunub.
Qeyd edək ki, "AGBank" ASC fəaliyyətə başladığı gündən bir çox sosial layihələrə dəstək olub. Bankın sponsorluğu ilə mədəniyyətimizin, incəsənətimizin və idmanımızın inkişafına yönəlik layihələr reallaşdırılıb.