...

Təhsil Nazirliyinin qarşısında keçirilən icazəsiz aksiyada tutulan 11 nəfərin apelyasiya şikayəti üzrə məhkəmə başlayıb

Cəmiyyət Materials 18 İyul 2013 16:21 (UTC +04:00)
Bu gün Bakı Apelyasiya Məhkəməsində ötən il oktyabrın 5-də Təhsil Nazirliyinin binası qarşısında “Hicaba azadlıq!” tələbi ilə keçirilən razılaşdırılmamış aksiyada iştirakına görə həbs olunan 11 nəfərin apelyasiya şikayəti üzrə məhkəmə başlayıb.
Təhsil Nazirliyinin qarşısında keçirilən icazəsiz aksiyada tutulan 11 nəfərin apelyasiya şikayəti üzrə məhkəmə başlayıb

Trend-i buradan izləyin

Azərbaycan, Bakı, 18 iyul /Trend, müxbir A.Məmmədov/

Bu gün Bakı Apelyasiya Məhkəməsində ötən il oktyabrın 5-də Təhsil Nazirliyinin binası qarşısında "Hicaba azadlıq!" tələbi ilə keçirilən razılaşdırılmamış aksiyada iştirakına görə həbs olunan 11 nəfərin apelyasiya şikayəti üzrə məhkəmə başlayıb.

Trend-in məlumatına görə, hakim Abid Abdinbəyovun sədrliyi ilə keçirilən prosesdə təqsirləndirilən şəxslərin cəzalarının yüngülləşdirilməsi ilə bağlı məhkəmənin ilkin baxış iclası keçirilib. Məhkəmə baxışı avqustun 1-nə təyin edilib.

Nərimanov rayon məhkəməsinin hökmü ilə Aydın Məmmədov 2 il 3 ay, Elçin Quliyev, Elşən Haşımov, Bayraməli Vəlişov, Ruhid Abbasov, Dadaş Vəliyev, Səxavət Quliyev, Sahil Rzayev 2 il, Rauf Qarayev və Elçin Məmmədov hər biri 1 il 9 ay, Ülfət Qasımov isə 1 il 6 ay müddətinə azadlıqdan məhrum ediliblər.

Təqsirləndirilən şəxslər 2012-ci ilin oktyabr ayının 5-də qanunsuz keçirilən "Hicaba azadlıq!" aksiyasında həbs olunublar. Onlar Cinayət Məcəlləsinin 233-cü maddəsi (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) ilə ittiham olunublar.

Məqalədə:
Xəbər lenti

Xəbər lenti