...

Aeroport şosesində nəqliyyatın hərəkəti bərpa olunub (ƏLAVƏ OLUNUB)

Cəmiyyət Materials 19 Mart 2014 18:16 (UTC +04:00)
Aeroport şosesinin bir hissəsində avtomobillərin hərəkəti məhdudlaşdırılır.
Aeroport şosesində nəqliyyatın hərəkəti bərpa olunub (ƏLAVƏ OLUNUB)

Məlumat yenilənib (ilk xəbər saat 10:10-da yayılıb)

Azərbaycan, Bakı, 19 mart /Trend, müxbir İ.İzzət/

Aeroport şosesinin bir hissəsində avtomobillərin hərəkəti bərpa olunub.

Nəqliyyat Nazirliyi "Azəryolservis" ASC-nin mətbuat xidmətinin rəhbəri Pünhan Mürsəliyev Trend-ə bildirib ki, bu gün saat 11:00-dan başlayaraq yol cizgiləri və yol göstərici xətlərin yenidən rənglənməsi ilə əlaqədar Sabunçu qovşağından Heydər Əliyev Hava Limanı qovşağına qədər olan yol hissə-hissə əlavə yol verilməklə bağlanmışdı.

Həmin yol saat 18:00-dan etibarən artıq nəqliyyatın hərəkəti üçün açılıb.

Qeyd edək ki, dünən də Böyükşor - Hava Limanı avtomobil yolunun Heydər Əliyev Hava Limanından Sabunçu yol qovşağına qədər olan hissəsində yol cizgiləri və yol göstərici xətlərin yenidən rənglənməsi ilə əlaqədar Böyükşor - Hava Limanı avtomobil yolunun Heydər Əliyev Hava Limanından "Buta Palace"-a qədər olan hissəsində qismən (2 zolaq), "Buta Palace"-dan Sabunçu yol qovşağına qədər olan hissəsində isə hərəkət tam məhdudlaşdırılmışdı.

Məqalədə:
Xəbər lenti

Xəbər lenti