...

"SA ORGANIZATION" "Anadolu Ateşi"ni Bakıya gətirir

Cəmiyyət Materials 21 May 2014 17:26
"SA ORGANIZATION" artıq 15 ildir ki, öz fəaliyyəti ilə adı haqqında kifayət qədər təsəvvür yarada bilib.
"SA ORGANIZATION" "Anadolu Ateşi"ni Bakıya gətirir

Trend-i buradan izləyin

Azərbaycan, Bakı, 21 may /Trend/

"SA ORGANIZATION" artıq 15 ildir ki, öz fəaliyyəti ilə adı haqqında kifayət qədər təsəvvür yarada bilib. Selahattin Atalay tərəfindən yaradılan təşkilat bu illər ərzində istər ölkə daxilində, istərsə də ölkədən kənarda bir sıra iri konsert layihələrini reallaşdırmağa müvəffəq olub. Şirkət Rusiya, Qazaxıstan, Ukrayna və bir çox ölkələrdə tanınmış ulduzların unudulmaz konsert proqramlarını təşkil etmişdir. Ölkəmizdə bu işin təməlini qoyan şirkət kimi "SA Organization" işinə mükəmməl və peşəkarcasına yanaşaraq indiyə kimi tanınmış ifaçılardan İbrahim Tatlıses, Nilufer, Ajda Pekkan, Alişan, İngrid Alberini, İmagination, məşhur rəqs qruplarından olan "Anadolu ateşi", "Tararam", "Şaman",Celtic Legends, həmçinin Ruslana, Kenan Doğulu, Mustafa Sandal və s. kimi bir çox məşhurların konsert layihələrinə imza atıb. Bu gün isə organization yeni konsert layihəsi ilə görüşünüzə gəlib.

Türkiyənin rəqs sultanları "Anadolu Ateşi" bu günə qədər göstərdiyi performansın ən möhtəşəmi ilə iyun ayının 6, 7, 8-i yenə də Heydər Əliyev Sarayında sevənləri ilə görüşəcəkdir. "The Best of Anadolu Ateşi" adlı proqramı ilə çıxış edəcəkdir.

1999-cu ildə Mustafa Erdoğanın başçılığı ilə yaranan "Anadolu Ateşinin" ilk adı "Rəqsin Sultanları" olmuşdur. Qrupun yaradılmasında məqsəd Şərqlə Qərbin mədəniyyətlərinin birləşməsi və sülh idi. 90 nəfər gənc rəqqasla fəaliyyətə başlayan qrup 2002-ci ildən dünya turuna başlamış və 93 ölkədə 3850 shou göstərmiş 35 milyondan çox sənətsevər tərəfindən izlənilmişdir. "Anadolu Ateşi" 2001-ci ildən bu günə kimi İsrail, Almaniya, Çin, Hollandiya, Ukrayna Belçika, İsveçrə, Yaponiya, Avstriya, Qatar, Liviya, Rusiya, Azərbaycan, Sibr, Ruminya, Saray Bosniya, Dubay, Yeni Zelandiya, İtalya, Slovakiya, Belarusiya, İngiltərə, Gürcüstan, Suriya, Slovenya, Malaziya, Bəhreyn, Yunanistan, İspaniya və.s ölkələrdə səhnə almış, Anadolu mədəniyyətini dünyaya tanıtmışdır. Bu o deməkdir ki, qrupu demək olar ki, dünyanın hər yerində sevir və tanıyırlar. Azərbaycanda dəfələrlə səhnə alan qrup Azərbaycan tamaşaçısının əvəzolunmazlarındadır. Və bu dəfə öz tamaşaçısı üçün Anadolu Ateşi ən yüksək performansı ilə çıxış edəcək. Çünki onlar Azərbaycan tamaşaçısının zövqünə və sənət duyumuna inanırlar!

Məqalədə:
Xəbər lenti

Xəbər lenti