Azərbaycan, Bakı, 7 aprel /Trend/
Yerli telekanallarımızdan olan "Region TV" efirdə yayımladığı "Media Layn" verilişinin növbəti buraxılışını "AzerNews" qəzetinə həsr edib.
Azərbaycanın bir nömrəli ingilisdilli qəzeti "AzerNews"un fəaliyyəti, ölkə mediasındakı yeri, əməkdaşları haqqında məlumatlar verilişdə geniş şəkildə işıqlandırılıb.
Telekanalın müxbiri ilə müsahibə zamanı baş redaktor Sevil Mikayılova qəzetin indiki və gələcəkdə nəzərdə tutulan fəaliyyəti, uğurları və qarşıda duran işlər barədə ətraflı məlumat verib.