...

ADA Universiteti Kənd Təsərrüfatı Nazirliyi ilə Anlaşma Memorandumu imzalayıb (FOTO)

Cəmiyyət Materials 16 İyul 2015 14:42
İyulun 16-da ADA Universitetində Kənd Təsərrüfatı Naziri Heydər Əsədov və Xarici İşlər Nazirinin müavini, ADA Universitetinin rektoru Hafiz Paşayevin iştirakı ilə Kənd Təsərrüfatı sahəsində Biznes idarəçiliyi üzrə Beynəlxalq Magistr proqramının həyata keçirilməsinə dair Anlaşma Memorandumu imzalanıb.
ADA Universiteti Kənd Təsərrüfatı Nazirliyi ilə Anlaşma Memorandumu imzalayıb (FOTO)

Trend-i buradan izləyin

Azərbaycan, Bakı, 16 iyul /Trend/

İyulun 16-da ADA Universitetində Kənd Təsərrüfatı Naziri Heydər Əsədov və Xarici İşlər Nazirinin müavini, ADA Universitetinin rektoru Hafiz Paşayevin iştirakı ilə Kənd Təsərrüfatı sahəsində Biznes idarəçiliyi üzrə Beynəlxalq Magistr proqramının həyata keçirilməsinə dair Anlaşma Memorandumu imzalanıb.

Kənd Təsərrüfatı Nazirliyindən Trend-ə verilən məlumata görə, Memorandumun əsas məqsədi aqrar sahədə yüksək ixtisaslı kadrların hazırlanması və təminatı sisteminin yaxşılaşdırılması üçün nazirliyin dəstəyi ilə ADA Universitetində müvafiq ixtisasın tədrisini səmərəli şəkildə təşkil edib həyata keçirməkdir.

ADA Universitetinin rektoru H.Paşayev qonaqları səmimi salamlayaraq iqtisadiyyatda kənd təsərrüfatının önəmli sahələrdən biri olduğunu vurğulayıb və bu proqramın uğurla həyata keçəcəyinə əminliyini ifadə edib.

Nazir Heydər Əsədov öz səmimi təşəkkürünü bildirərək, Azərbaycanın tarixən aqrar ölkə olduğunu, ölkəmizdə həyata keçirilən aqrar siyasət, ölkə başçısının bu sahəyə göstərdiyi diqqət və qayğıdan, qəbul olunmuş qərar və sərəncamlar barədə məlumat verdi və aqrar sahədə kadr hazırlığının vacibliyini qeyd edib.

İlk dəfə imzalanan bu memorandumun "ADA" Universiteti ilə Kənd Təsərrüfatı Nazirliyi arasında əməkdaşlığa öz töhvəsini verəcəyini diqqətə çatdırdı gələcəkdə də bu əməkdaşlığın daha da inkişaf etdirilməsi üçün öz səylərini əsirgəməyəcəyini bildirib.

17 ay davam edəcək tədris proqramını müvəffəqiyyətlə bitirənlər ADA Universitetinin magistrantı dərəcəsini qazanacaqlar. ADA Universiteti Azərbaycan Dövlət Aqrar Universiteti ilə zəruri əlaqələndimə və əməkdaşlığı həyata keçirəcək. İlk qəbul 2016-2017-ci tədris ilində nəzərdə tutulub.

İxtisası seçənlər MBA tədris proqramı çərçivəsində kənd təsərrüfatı sənayesinin əsasları, iqtisadiyyatı, maliyyələşməsi, marketinqi, idarə edilməsi üzrə nəzəri fənnlər və praktiki seminarlar keçəcəklər.

Magistrantlar beynəlxalq təcrübədən yararlanmaq məqsədi ilə xaricə təhsil mübadiləsi səfəri də edəcəklər.

Görüşdən əvvəl nazir H. Əsədov ADA Universitetinin fəaliyyəti ilə tanış olub.

Məqalədə:
Xəbər lenti

Xəbər lenti