...

UEG: Bakı batut gimnastikası üzrə Avropa Çempionatına tam hazırdır

Cəmiyyət Materials 17 Fevral 2018 20:48 (UTC +04:00)
Bakı batut gimnastikası, ikili mini-batut və tamblinq üzrə XXVI Avropa Çempionatına gözəl hazırlaşıb.
UEG: Bakı batut gimnastikası üzrə Avropa Çempionatına tam hazırdır

Bakı. Ənvər Məmmədov – Trend:

Bakı batut gimnastikası, ikili mini-batut və tamblinq üzrə XXVI Avropa Çempionatına gözəl hazırlaşıb.

Trend-in məlumatına görə, bunu jurnalistlərə açıqlamasında Avropa Gimnastika İttifaqının (UEG) batut gimnastikası üzrə texniki komitəsinin prezidenti Vladimir Zeman deyib.

Onun sözlərinə görə, yarışların keçiriləcəyi məkan – Milli Gimnastika Arenası bunun üçün çox gözəl hazırlanıb.

“Texniki komitənin görüşünün bir hissəsi zalın baxışına, hesablama texnikasının yoxlanılmasına və nəticələrin hazırlanmasına həsr olunmuşdur. Hər şey yüksək səviyyədə hazırlanıb. Yalnız Bakıya qayıdıb, gözəl yarışmanı keçirmək qalıb”, deyə Zeman bildirib.

O, həmçinin qeyd edib ki, hal-hazırda texniki komitənin qarşısında iki əsas vəzifə durur: “Birincisi – yarışmanın səviyyəsi, burada təşkilatçıların təcrübəsi vacibdir. İkincisi – idmanın inkişafı, Olimpiya oyunlarında iştirak etdikləri üçün təkcə böyüklər arasında deyil, həmçinin gənclər üçün, çünki bu onlar üçün bu ilin ikinci yarısında keçiriləcək gənclər arasında Olimpiya oyunları üçün kvalifikasiyadır. Böyüklər üçün Avropa Çempionatı Belarusda gələn il keçiriləcək ikinci Avropa Oyunlarına kvalifikasiyadır. Bu deməkdir ki, Bakıda keçiriləcək turnir mötəbər olacaq, bura bir çox ölkələrin ən yaxşı idmançıları gələcək. Bu həmçinin tamaşaçılar üçün də böyük maraqdır”.

Xatırladaq ki, Bakıda aprelin 12-15-də batut gimnastikası, ikili mini-batut və tamblinq üzrə Avropa çempionatını da təşkil edəcək. Milli Gimnastika Arenasında keçiriləcək 26-cı Avropa çempionatında böyüklərin proqramında 25, gənclərin yarışında isə 26 ölkənin iştirakı və hər üç növ üzrə idmançıların ümumi sayının 400-dən çox olacağı gözlənilir.

Öz növbəsində, texniki komitənin üzvə Luis Nunes bildirib ki, komitənin keçiriləcək yarışmadan gözləntiləri ən yüksəkdir. O qeyd edib ki, batut gimnastikasına, bir idman növü kimi, inkişaf etmək çox vacibdir.

“Bu bizim əsas məqsədimizdir. Çox həyəcanlıyıq və istəyirik ki, bu idman növü daha da əhəmiyyətli olsun. Və əlbəttə, gənclər arasında Olimpiya oyunları üçün kvalifikasiya olan bu Avropa Çempionatı çox vacibdir, təkcə bizimçün deyil, bu yarışlarda iştirak etmək istəyən ölkələr üçün. Ona görə də, biz turnirin yüksək səviyyədə keçəcəyini gözləyirik”, - deyə Nunes bildirib.

Məqalədə:
Xəbər lenti

Xəbər lenti