Baş mühəndis: Gələcəkdə Bakı metrosunda qatarlar radiodalğalarla idarə olunacaq (MÜSAHİBƏ)

Baş mühəndis: Gələcəkdə Bakı metrosunda qatarlar radiodalğalarla idarə olunacaq (MÜSAHİBƏ)

Bakı. Samir Əli – Trend:

Bakı metrosu 52 ilə yaxındır fəaliyyət göstərir. Bu gün paytaxtda sərnişinlərin böyük əksəriyyətinin istifadə etdiyi nəqliyyat vasitəsi məhz metrodur. Bəs Bakı Metropoliteni sərnişinlərin təhlükəsiz və rahat daşınmasını təmin etmək üçün hansı işlər görüb və bundan sonra hansı tədbirləri planlaşdırır? "Bakı Metropoliteni" Qapalı Səhmdar Cəmiyyətinin baş mühəndisi Əlixan Osmanov Trend-ə müsahibəsində bir çox məsələlərə toxunub.

- Əlixan müəllim, mümkünsə, 2018-ci ildə Bakı Metropolitenində görülmüş işlərə nəzər salardıq.

- Qeyd edim ki, Bakı Metropoliteni fəaliyyət göstərdiyi illər ərzində istismarda olan avadanlıq, sistem və qurğuların bir çoxu fiziki və mənəvi baxımdan köhnəlmişdi. Bu avadanlıq və sistemlərin bir çoxunun əsaslı şəkildə yenilənməsi, modernləşdirilməsi tələb olunurdu. Bu məsələ "Bakı Metropoliteni" Qapalı Səhmdar Cəmiyyəti yaranandan sonra daha sürətlə həllini tapmağa başladı. Bakı Metropoliteni ilə "Azərtunelmetrotikinti" Səhmdar Cəmiyyətinin birləşdirilməsi yolu ilə metro istismarı ilə metro tikintisi vahid quruma tapşırılandan sonra əsaslı təmir işlərinə, yeni texnologiyaların daha vüsətlə tətbiqinə geniş meydan açıldı.

Konkret olaraq 2018-ci ildən danışsaq, "Bakı Metropoliteni" Qapalı Səhmdar Cəmiyyətində çox böyük işlər görülüb. İlk növbədə, "Sahil" stansiyasının yenidən qurulması qeyd oluna bilər. 9 ay ərzində stansiya demək olar ki, tamamilə yenidən quruldu. Platforması, vestibülü, kommunikasiya, ventilyasiya sistemləri, eskalatorları, bir sözlə, stansiyanın bütün infrastrukturu əsaslı əşkildə yeniləndi. "Sahil" metronun ən dərin stansiyalarından biri olmaqla yanaşı, həm də birçıxışlıdır. Burada 50 il əvvəl quraşdırılmış 3 eskalator var idi və istismar müddətini başa vurmuşdu. Həmin estalatorlar xüsusi layihə əsasında 4 ən müasir tipli eskalatorla əvəzləndi. Bu da sərnişin rahatlığı və təhlükəsizliyinin əsaslı şəkildə artırılmasına xidmət etdi.

"Sahil" stansiyasının yenidən qurulmasında "Nizami" stansiyasında gördüyümüz işlər zamanı əldə etdiyimiz təcrübədən geniş istifadə etdik. Bilirsiniz ki, "Nizami" metro stansiyası tarixi memarlıq abidəsidir. Orada dahi şairimiz Nizami Gəncəvinin əsərləri əsasında pannolar qurulub. Pannoların arxasında olan konstruksiya və beton elementlərinin əsaslı təmiri böyük çətinlik yaradırdı. Əsas vəzifə pannoların ilkin görünüşünün qorunması idi. Təmir işlərinin digər çətinliyi ondan ibarət idi ki, stansiya sərnişinlərin giriş-çıxışı üçün bağlanmamalı idi. Bütün çətinliklərə baxmayaraq, stansiyanın plaftormasının yenidən qurulması işlərini uğurla başa vurduq.

Daha sonra "Bakmil" stansiyasında təmir işlərinə başladıq. Bildiyiniz kimi, "Bakmil" Bakı Metropoliteninin yeganə yerüstü stansiyasıdır. Əvvəllər bu stansiyanın sərnişindaşımada bir o qədər böyük rolu yox idi, lakin hazırda çox böyük əhəmiyyətə malikdir. Çünki artıq stansiyanın ətrafında bir çox iş yerləri açılıb, idarə və təşkilatlar fəaliyyət göstərir. Stansiyanın birinci mərtəbəsinin döşəməsi yolun asfalt örtüyündən 60 santimetr aşağı idi və bu da böyük problem yaradırdı. Stansiya açıq tipli yerüstü olduğuna görə, yağışlar yağanda stansiyanı su basırdı, bunun qarşısını almaq isə mümkün deyildi. Eyni zamanda, stansiyanın konstruksiyaları, pəncərələri, qapıları, zahiri elementləri və s. köhnəlmişdi. "Bakmil"də də təmirə giriş-çıxışı sərnişinlər üçün bağlamadan başladıq. Açıq hava şəraitində olması ilə əlaqədar xüsusi yeniliklər etdik. Müasir texnologiyaların tələbləri səviyyəsinə çatdırılan stansiyada artıq işlər yekunlaşıb. Hazırda stansiya ərazisində yaşıllaşdırma işləri aparılır.

"Bakmil" stansiyasının bütün kommunikasiyası, texniki təchizatı yenidən qurulub. Stansiyanın platforması əvvəllər açıq idi, indi isə yarımqapalı vəziyyətdədir. Sərnişin platformasının üstü bağlanıb, sərnişinlərin yağıntıdan qorunması, həmçinin təhlükəsizliyi və rahatlığı təmin olunub, stansiyada müasir oturacaqlar quraşdırılıb. Fevral ayının sonunadək stansiya tam olaraq sərnişinlərin istifadəsinə veriləcək.

Həmçinin "Xətai" stansiyasında yenidənqurma işlərinə 2018-ci il sentyabrın 27-də başlanılıb. Bu stansiya buna qədər də bir neçə dəfə bağlanmışdı. Burada "Xətai-Cəfər Cabbarlı" mənzilində məkik hərəkət təşkil edildiyindən, qatarların hərəkəti sıx olmadığından, həm də havalandırma sistemi zəif olduğundan bu mənzildə tunellərin və "Xətai" stansiyasının infrastrukturu faktiki olaraq yararsız vəziyyətə düşmüşdü. Stansiyanın platformasını və baş stansiya yollarından birini 3 il əvvəl yenidən qurub sərnişinlərin istifadəsinə verdik. Hazırda digər baş stansiya yolu, yer səthində olan hissəsi, kommunikasiyaları yenidən qurulur. Təbii ki, 50 illik istismar müddətini başa vurmuş eskalatorlar da yeniləri ilə əvəzlənir. Burada da "Sahil"də olduğu kimi, sökülən 3 eskalatorun əvəzinə 4 müasir eskalator qurulur. Bu stansiya Bakı metrosunun ən dərin stansiyasıdır. Stansiyanın eskalator lentinin uzunluğu 100 metrə yaxındır. Bunlarla yanaşı, "Xətai-Cəfər Cabbarlı" mənzili boyunca tunellərdə də infrastrukturun yenidən qurulması işləri aparılır. Stansiya bu ilin iyun ayında istifadəyə veriləcək.

Hazırda metropolitendə işarəvermənin ən yeni sisteminin tətbiqinə "Nərimanov" elektrik deposundan başlanıb. Bu, "ox sayğacları" bazasında qurulan bir sistemdir. Yenilik nəticəsində yollardakı çoxsaylı elektromexaniki avadanlıqlara ehtiyac qalmayacaq. Ən son nəticədə isə qatarlar radiodalğalarla idarə olunacaq. Bu, dünyanın ən mötəbər texnologiyasıdır və MDB ölkələrinin heç birində yoxdur. Başqa sözlə, bu texnologiya regionda ilk dəfə Bakıda tətbiq olunacaq. Bu işi Fransa şirkəti ilə birgə həyata keçiririk. Layihəyə ötən ilin əvvəlində başlamışıq, bu ilin iyul ayında başa çatdıracağıq. Depo ərazisində sistemin yerləşəcəyi binanı xüsusi və ən əsası, unikal nümunəvi layihə əsasında tikmişik. Sistem depodan metro xətlərinə verilən qatarların hərəkətini idarə edəcək. Ümumən, onun özəlliyi ondan ibarətdir ki, qatarların hansı vaxtda xəttə çıxmalı olduğu, harada olduğu, hansı dayanacaqda dayanmalı olduğu və digər məsələlər bu sistemlə təyin ediləcək. Artıq sistemin kommunikasiya və avadanlıqları quraşdırılıb, hazırda avtoəyləclər, işıqforlar və digər avadanlıqlar quraşdırılır. Bu ilin iyun-iyul aylarında işlər yekunlaşacaq və "Nərimanov" elektrik deposunun işarəvermə, bloklama və qatarların hərəkəti sistemi Avropa və MDB ölkələri sırasında ən qabaqcıl sistemlərdən biri olacaq.

- Bu sistem yalnız elektrik deposunda olacaq, yoxsa bütün stansiyalarda?

- Bu, böyük bir sistemin tərkib hissəsidir, qatarların radiodalğalarla idarə olunması sisteminin (CBTC) tətbiqində ilk addımlarımızdır. Bu sistemin Bənövşəyi xətdə bütövlükdə tətbiq edilməsi üzərində iş aparırıq. İndi depodan başlamaqla gələcəkdə həm də Qırmızı və Yaşıl xətlərdə tətbiq etmək üçün ilk addımları atırıq. Bu sistemin sayəsində qatarların dəqiq hərəkətinə nəzarət etməklə yanaşı, tunellərdə olan çoxsaylı mürəkkəb, saxlanması və təmiri böyük xərclər, həmçinin qulluq tələb edən avadanlıqlar azalacaq, idarəetmə daha etibarlı, səmərəli və keyfiyyətli olacaq.

- Bakı Metropolitenində vaqonların əsaslı təmiri sexi istifadəyə verildi. Sexin fəaliyyəti qənaətbəxşdirmi?

- Deyə bilərəm ki, bu sex xərclərimizi xeyli miqdarda azaldıb. Əvvəllər qatarları əsaslı təmir üçün ölkə xaricinə göndərirdik. Bu, külli miqdarda vəsait tələb edirdi. İndi bu xərclər ləğv edilib. Artıq həmin sexdə iki qatar təmir edilərək xəttə buraxılıb. Cari ildə daha 3 qatar tərkibini, yəni 15 vaqonu təmir etməyi planlaşdırırıq. Bu prosesdə vəsaitə 50 faizdən artıq qənaət edirik. Bu vəsait isə yüz minlərlə avro ilə ölçülür. Əsaslı təmirlə yanaşı, burada vaqonlar həm də modernləşdirilir. Bununla qatarların müasir dövrün tələblərinə maksimum uyğunlaşdırılması təmin olunur. Sexdə işçilər üçün bütün şərait yaradılıb, həmçinin təchizatı dövrün tələblərinə uyğundur. Qaldırıcı mexanizmlər, korroziyadan qumla təmizləmə, rənglənmə kameraları, təmir sahəsi və s. bir sözlə, iş üçün ən münbit şərait qurulub.

- Metronun havalandırma sisteminin yenilənməsi istiqamətində hansı tədbirlər görülür?

- Bu il metronun havalandırma sisteminin yenilənməsi istiqamətində də əsaslı yeniliklər gözlənilir. Ventilyasiya sisteminin təkmilləşdirilməsi işlərini sürətləndirmək planlaşdırılır. Hazırda 7 güclü ventilyator zavod şəraitində sınaqdan çıxarılır. İstehsalçı zavoda "Bakı Metropoliteni" QSC-nin məsul şəxsi ezam olunub və avadanlıqlar sınaqdan keçirilib. Həmin süni havalandırma avadanlıqları Bakıya gətirilərək metroda quraşdırılacaq. Plana görə, ilkin olaraq 3 şaxtada havalandırma sistemi dəyişdiriləcək.

- Bir müddət əvvəl metronun "28 May" stansiyasında Qırmızı və Yaşıl xətlərin ayrılması məsələsi gündəmdə idi.

- Məlum olduğu kimi, Qırmızı və Yaşıl xətlər "28 May" stansiyasında kəsişir. Bakı Metropoliteninin inkişafı bu məsələnin həll olunmasından sonra daha da sürətlə həyata keçirilə bilər. Amma bunun üçün bəzi şərtlər var: "Həzi Aslanov" stansiyasından "Xətai" stansiyasına qədər tunellər tikilməlidir, "Dərnəgül" stansiyasından ən azı "Koroğlu" stansiyasına qədər olan hissə istifadəyə verilməlidir. Bu işlərdən sonra "Cəfər Cabbarlı" və "28 May" stansiyaları ayrılmalıdır. Xətlər bir-birindən ayrıldıqdan sonra isə sərnişinlərin xətlər üzrə paylanmasında tarazlıq yaranacaq və xətlərdə qatarlar arasında interval eyni olacaq. Bilirsiniz ki, indi pik saatlarda "Həzi Aslanov"dan "28 May"a qədər qatarlar arasında interval 120 saniyə təşkil edir, lakin "28 May" stansiyasından "Dərnəgül" və ya " İşərişəhər" stansiyalarına qədər interval 240 saniyə və daha çox olur. Xətlər ayrılanda isə həmin yollarda da interval 120 saniyə olacaq. Bununla bağlı Bakı Metropoliteninin rəhbərliyi konsepsiya hazırlayıb və hökumətə təqdim edib. Bu işlər mərhələli şəkildə həllini tapacaq.

- Tikintisi yekunlaşmaq üzrə olan və şərti olaraq "B-3" adlandırılan stansiyada işlər nə yerdədir? Bu ilin sonuna stansiyanın istifadəyə verilməsi gözlənilirmi?

- Hələ ki qarşıda bir ilimiz var. İlin sonuna qədər əsas tikinti işlərini yekunlaşdırmağı planlaşdırırıq. Bizdən asılı olmayan məsələlər ortaya çıxmazsa, stansiya 2020-ci il ərzində təhvil verilə bilər. Hazırda tikinti işləri öz axarı ilə davam edir. Demək olar ki, ümumi tikinti işləri başa çatdırılıb, texniki işlərin böyük bir hissəsi yekunlaşıb, avadanlıqların əksəriyyəti alınıb.

- Həmin stansiyada Bənövşəyi xəttin alternativ enerji mənbəyi ilə təmin olunması məqsədilə dizel elektrik stansiyası tikilir...

- Bənövşəyi xəttin 12 stansiyası və 1 elektrik deposu olacaq. Həmin stansiyalar xətt üzrə quraşdırılan iki yarımstansiyadan qidalanacaq. Bu məqsədlə "B-3" və "B-7" stansiyalarında iki elektrik yarımstansiyası inşa etməyi layihələndirmişik. "B-3"dəki yarımstansiya artıq tikilib, avadanlıqları Bakıya gətirilib, işlər planlaşdırılmış formada gedir. "B-3" stansiyası istifadəyə veriləndə həmin yarımstansiyanın nəzdində dizel elektrik stansiyası da fəaliyyətə başlayacaq. Xəttin bütün 12 stansiyası istismara veriləndən sonra əgər şəhərdə elektrik enerjisi təchizatında fasilə yaranarsa, metro Bənövşəyi xətt üzrə fəaliyyətini davam etdirə biləcək. Hazırda Qırmızı və Yaşıl xətlər üzrə də buna uyğun tədbirlər görülür.

- Qırmızı və Yaşıl xətlərin də alternativ enerji ilə təmin edilməsi üçün "Azərişıq" ASC ilə danışıqlar aparılırdı. Danışıqlara əsasən, şəhərdə metro üçün 10 dizel elektrik stansiyası tikilməli idi. Bu işlər nə yerdədir?

- Biz bununla bağlı da konsepsiya hazırlayıb hökumətə təqdim etmişik və artıq həmin konsepsiya təsdiqlənib. Konsepsiyaya görə, metropoliteni qidalandıran xətlərdə müxtəlif gücə malik dizel elektrik stansiyaları quraşdırılmalıdır. Əgər Bakı şəhərində elektrik sistemində hər hansı bir problem yaranarsa, həmin stansiyalar işə düşəcək və metro fəaliyyətini minimal tələblər səviyyəsində davam etdirəcək. Həmin vaxt metro stansiyalarında havalandırma, suvurma qurğuları, eskalatorlar, işıqlandırma sistemləri tam gücü ilə işləyəcək. Qatarlara gəlincə, normal halda 30 cüt qatar hərəkət edirsə, bu vəziyyətdə 15 cüt qatar işləyəcək. Bu, sərnişinlərin tam təhlükəsiz şəraitdə daşınmasına imkan verəcək.

- Bu il Bakı Metropoliteninin yeni qatarlar alacağı bildirilir.

- Ötən il 2 tam müasir qatar tərkibi alınaraq istifadəyə verilib. Ondan əvvəl 3 yeni qatar tərkibi alınaraq xəttə buraxılıb. Bu il 30 vaqon istismar müddətini başa vurur. Yeni vaqonların alınması ilə bağlı müqavilə bağlanılıb və müqaviləyə uyğun olaraq 30 yeni vaqon alınacaq. İyun ayından başlayaraq, Bakıya hər ay bir qatar tərkibi, yəni 5 vaqon gətirəcəyik. Bakıda sazlama işləri aparıldıqdan sonra qatarlar xəttə buraxılacaq. Alınan yeni vaqonlar da müasir standartlara tam cavab verəcək.

- Bəs "Həzi Aslanov-2" stansiyası ilə bağlı görülən işlər nə yerdədir?

- "Həzi Aslanov-2" keçid stansiyasıdır. Şərti adı "Y-14", "Y-15" və "Y-16" olan stansiyalar tikilməlidir ki, "Həzi Aslanov-2" stansiyası istifadəyə verilsin. Müəyyən səbəblərdən tikinti işləri müvəqqəti məhdudlaşdırılıb. Bu işlərin davam etdirilməsi üçün tunel qazma kompleksləri hazır vəziyyətdədir. Hazırda imkanlarımızdan maksimum istifadə edirik ki, qeyd etdiyim istiqamətdə işləri gücləndirək və Yaşıl xəttin çox böyük əhəmiyyət kəsb edən bu hissəsi istifadəyə verilsin.

- Bir sıra xarici ölkələrdə metro stansiyalarının platformaları ilə qatar yolu arasında metal mühafizə torları və digər maneələr var. Bakı metrosunda bu təcrübədən istifadə mümkündürmü?

- Bildiyiniz kimi, Bakı metrosunun 5 xətti olacaq. Sovet dövründə inşa edilən Qırmızı və Yaşıl xətlərin bünövrəsi elə qoyulub ki, stansiyaların platformalarında PSD adlandırılan mühafizə torları quraşdırmaq praktiki cəhətdən çox mürəkkəb məsələdir. Bu xətlər üzrə stansiyaların konstruksiyaları, texniki imkanları həmin metodun tətbiqinə hazırda imkan vermir. Bənövşəyi xətt üzrə inşa edilən stansiyalarda da bunun tətbiqi nəzərdə tutulmayıb. Bu xətdə də stansiyalar açıq tipli olacaq. Lakin gələcəkdə Mavi və Sarı xətlərin tikintisində ən yüksək texnologiyalardan istifadə olunacaq. Bu xətlərdə qatarların avtomatik hərəkəti nəzərdə tutularsa, onda dediyiniz sistemin də tətbiqi mümkün olacaq. Yalnız gələcəkdə maşinistsiz idarəetmə nəzərdə tutularsa, bu sistemlərin də əvvəlcədən quraşdırılması özünü doğrulda bilər. Qatarların avtomatlaşdırılmış hərəkəti təmin edilməsə, vəsait ayıraraq bu işlərə xərc çəkməyin səmərəsi olmayacaq. Ümumən, məsələnin həm qatarlar, həm stansiyalar, həm də sistemlərin tətbiqi baxımından bir sıra digər mürəkkəb texniki cəhətləri var.

Sərt karantin elan olunan ərazilərdə bir gündə qayda pozan 1081 nəfər cərimləndi
Sərt karantin elan olunan ərazilərdə bir gündə qayda pozan 1081 nəfər cərimləndi
Müdafiə nazirinin müavini vəzifəsindən azad olundu
Müdafiə nazirinin müavini vəzifəsindən azad olundu
Ermənistan sutka ərzində atəşkəsi 65 dəfə pozdu
Ermənistan sutka ərzində atəşkəsi 65 dəfə pozdu
Loading Bars
Xəbər lenti
Zaqatalada hovuzda istirahət edən şəxslər cərimələndi (VİDEO)
Rusiyada daha 176 nəfər koronavirusdan öldü
Hesab.az QR kod ilə ödənişin tətbiqini genişləndirir
Kaspersky EDR-texnologiyasına əsaslanan inteqrasiya olunmuş həllini təqdim edib
Leyla Abdullayeva: Azərbaycan XİN hər zaman Ermənistan-Azərbaycan Dağlıq Qarabağ münaqişəsinin tənzimlənməsinə dair danışıqların mahiyyət üzrə aparılmasından çıxış edib
Ermənistanda koronavirusa yoluxanların sayı 30 min nəfəri keçdi
AZAL Berlinə xüsusi reyslər həyata keçirəcək
Bakıda karantin qaydalarını pozan kafe aşkarlandı, 8 nəfər saxlanıldı (FOTO)
Prezident İlham Əliyev Bakının Nizami rayonunda “Azərenerji” Açıq Səhmdar Cəmiyyətinin yenidən qurulan “8-ci km” yarımstansiyasının açılışında iştirak edib (FOTO)
Sərt karantin elan olunan ərazilərdə bir gündə qayda pozan 1081 nəfər cərimləndi
Rauf Əliyev: Prezident İlham Əliyevin BMT-nin Baş Assambleyasının Xüsusi Sesiyasının çağrılması ilə bağlı təşəbbüsü böyük tarixi əhəmiyyət daşıyır
Mühacirətdəki "müxalifətçi" binəsiblər yeni ağa axtarırlar - "Politşou" təqdim edir (Videolayihə)
Polis İsmayıllıda istirahət mərkəzlərinin sahiblərinə xəbərdarlıq etdi (FOTO)
Sabirabadda ana və qızını vurub öldürən sürücü həbs edildi
Azərbaycan iyunda gündəlik 553,8 min barrel xam neft hasil edib
Müdafiə nazirinin müavini vəzifəsindən azad olundu
Afət Həsənova: İqtisadi inkişafımız çətin günlərdə insanlarımızın sosial rifahının qorunmasına imkan verir (FOTO)
Hindistanda bir gündə 25 minə yaxın koronavirusa yoluxma qeydə alındı
Füzulidə 27 yaşlı gənc küçədə qətlə yetirildi
Zoologiya İnstitutu: Çəyirtkələrə qarşı mübarizə tədbirləri may-iyunda aparılmalıdır
"Facebook" Braziliya prezidentinin köməkçiləri ilə əlaqəli səhifələri silib
Son 6 ayda Azərbaycanda neftə nisbətən qaz hasilatı 11 faizdən çox artıb
Ermənistan sutka ərzində atəşkəsi 65 dəfə pozdu
Bakı sakini küçədə bıçaqla hədələnərək qarət olundu
Bakıda yataqxana qarət olundu
Azərbaycan dövləti koronavirusla mübarizədə həyata keçirdiyi tədbirlərlə bir nümunə ortaya qoydu - Ekspert
Sağalan COVİD xəstələrinə arayış necə verilir? - RƏSMİ AÇIQLAMA
Qazaxıstanda koronavirusa yoluxanların sayı 53 min nəfəri ötüb
Xızıda yük avtomobili yanıb
Vanq Yi: Çin və ABŞ arasındakı münasibətlər tarixin ən ciddi çağırışı ilə üzləşib
Çində ötən sutka koronavirusdan ölüm halı qeydə alınmayıb
Braziliyada koronavirusa daha 44 571 nəfər yoluxub
Trüdo: Kanada koronavirusla ABŞ-dan daha effektiv mübarizə aparır
Dünyada koronavirusa yoluxanların sayı 12 milyon nəfəri keçib
"Forbes": Cef Bezosun sərvəti 180 milyard dolları keçib
Belqradda etiraz aksiyası zamanı 10 polis əməkdaşı xəsarət alıb
Türkiyədə 4,4 bal gücündə zəlzələ olub
Moskvada koronavirusdan daha 32 nəfər ölüb
Sumqayıtda 250 ədəd patron aşkar olunub (FOTO)
Futbol üzrə Türkiyə Kubokunun final matçının keçiriləcəyi vaxt məlum oldu
Venesuelada ilin əvvəlindən inflyasiya 500 faizi ötüb
ÜST: Dünyada koronavirusa yoluxanların sayı 168 mindən çox artıb
Türkiyə və Rusiya Baş Qərargah rəisləri arasında telefon danışığı olub
Şamaxıda çətin şəraitdə yaşayan altı ailə yeni mənzillərlə təmin olunub (FOTO)
AZAL Dubaydan çarter reysi yerinə yetirib (FOTO)
Tehran metrosunda iki qatar toqquşub
Şamaxıda qanvermə aksiyası keçirilib (FOTO)
ABŞ-da koronavirusa yoluxanların sayı 3 milyon nəfəri ötüb
Xaçmazda birmərtəbəli ev yanıb, xəsarət alan var
Azərbaycanda koronavirusla bağlı aparılan testlərin sayı açıqlandı
"Şahdağ" Milli Parkının ərazisində yanğın olub
Türkiyədə koronavirusdan sağalanların sayı 190 minə yaxınlaşır
Almaniyada tullantıdan alınan enerji ilə işləyən avtobuslar işə düşüb
Ekspres xətlər üzrə avtobusların iş qrafiki dəyişdirilib
COVID-19 sahəsində çalışan bir qrup xarici mütəxəssis Azərbaycana gəlib (VİDEO)
AGF ilə səhər gimnastikası (VİDEO)
15 yaşında itirdiyi pul qabını 73 yaşında tapdı
Ramin Məmmədov: Azərbaycan artıq dünyada qlobal problemlərin həllinə töhfə verməyə qadir dövlət kimi qəbul olunur
Tramp: ABŞ-da koronavirusla bağlı vəziyyət bir aya yaxşılaşacaq
"Google" "Android" üçün iki yenilənmə buraxıb
190 manat məbləğində birdəfəlik ödəmənin verildiyi ərazilərin sayı artırıldı
Baş Prokurorluq qətlə yetirilən azyaşlı Nərminlə bağlı məlumatlara münasibət bildirib
Birinci vitse-prezident Mehriban Əliyeva şəhid ailələrinin ev problemi ilə bağlı göstəriş verib (FOTO)
Goranboy və Göygöl rayonlarında da sərtləşdirilmiş xüsusi karantin rejimi tətbiq olunacaq
Təlimlərə cəlb olunan qoşunlar daimi dislokasiya məntəqələrinə qaytarılır (FOTO)
Azərbaycanda daha 542 nəfər koronavirusa yoluxdu, 465 nəfər sağaldı, 9 nəfər öldü
Sabirabadda 2 nəfərin ölümünə səbəb olan sürücü tutuldu
İlahiyyat İnstitutunun rəhbərliyi yanında İctimai Nəzarət Şurasının onlayn iclası keçirilib (FOTO)
Avstriyada daş uçqunu olub - 2 ölü
Dövlət qulluğuna qəbul üzrə təxirə salınmış müsahibələrin keçirilmə qrafiki müəyyənləşib
İraqda son sutka ərzində koronavirusa rekord sayda yoluxma qeydə alınıb
Nazirlik bu şəxslərə SMS bildirişlər göndərir
AzTV-nin koronavirusa yoluxmuş aparıcısı sağaldı
Bakıda “Mercedes” yanıb
Avropa Komissiyası COVID-19 üçün dərmanların tədarükü barədə iri əczaçılıq şirkətləri ilə razılığa gəlib
Yasamal bələdiyyəsinin vəzifəli əməkdaşı rüşvət alarkən saxlanıldı
Yarım ildə Gömrük Komitəsi büdcəyə 2 milyard manat köçürüb
Hikmət Babaoğlu: Prezidentin fikirləri Ermənistana xəbərdarlıq olmaqla ATƏT-in Minsk Qrupuna da öz vəzifələrini yerinə yetirmələri üçün bir çağırışdır
AZAL və “Belavia” Bakı-Minsk marşrutu üzrə kod-şerinq reyslərini həyata keçirəcək
Elektron Kredit Portalı güzəştli kreditlər almaq imkanını asanlaşdırır
İyulun 9-da dolların manata qarşı məzənnəsi
Bakıda polisə hücum etdiyi deyilən şəxslər aşkarlandı (VİDEO)
Fındıqçılıq sahəsində məhsuldarlığın artırılması müzakirə edilib
Nəqliyyat-ekspedisiya fəaliyyəti ilə bağlı qanun layihəsi hazırlanıb
Qubada yol qəzasına düşən həkim briqadasının 5 nəfəri evə buraxılıb
Lütfi Qədirovun ifşa edilməsi barədə videogörüntü yayıldı
Kreditlər dövlətin sahibkara ən böyük dəstəyidir
Dr.Mirmənsim Məmmədov: Hər bir pasiyentimiz bizim üçün doğmadır və biz bütün pasiyentlərimizə eyni diqqət və qayğı ilə yanaşırıq (FOTO)
Beynəlxalq təşkilatlar tərəfindən AQTA-nın təklifi uğurlu layihə olaraq qəbul olundu
Azərbaycanda Həcc ziyarəti ilə bağlı ödənişlərin yarısı artıq qaytarılıb
Rumıniyada koronavirusa rekord sayda gündəlik yoluxma qeydə alınıb
Oğuzda KOBİA-nın dəstək göstərdiyi müəssisə tütün tədarükünə başlayıb (FOTO)
Xəbərdarlıq: Temperatur enəcək, güclü külək əsəcək
Prezident İlham Əliyev Dövlət Neft Fondunun 2019-cu il büdcəsinin icrası haqqında sərəncam imzalayıb
Bu il əmək, məşğulluq, sosial müdafiə sahələri üzrə 324 min e-arayış verilib
AzMİU-da buraxılış işlərinin müdafiəsi müvəffəqiyyətlə başa çatıb (FOTO)
Ağsuda yas mərasimi keçirən 18 nəfər cərimələnib (FOTO)
"Mİlli Şura"nın qeybətxana şousu davam edir (VİDEO)
Azərbaycanda qızıl və gümüş bahalaşır
ABŞ-da atışma olub - Yaralılar var
Bütün xəbərlər