Bakı. Trend:
Martın 1 və 5-də Corctaun Universitetinin professoru və inkişafında məhdudiyyətləri və xüsusi tibb yardıma ehtiyacı olan uşaqlara yardım sahəsində çalışan tanınmış ekspert doktor Tobi Lonq inkluziv təhsil və davranma məsələlərinə dair muhazirələrlə çıxış edəcək.
ABŞ səfirliyindən Trend-ə verilən məlumata görə, mühazirələr martın 1-də Azərbaycan Dillər Universitetində yerləşən Amerika Mərkəzində və martın 5-də "Landmark Rotunda Hall"da keçiriləcək.
Mühazirələr təhsil sahəsində çalışan mütəxəssislər, psixoloqlar, aspirantlar, pediatorlar, və məhdudiyyətləri olan uşaqlarla işləyən şəxslər üçün açıqdır.
Daha ətraflı məlumatı ABŞ səfirliyinin feysbuk səhifəsindən əldə edə bilərsiniz
https://www.facebook.com/114366571914596/posts/2696904456994115/
Tobi Lonq Corctaun Universitetinin pediatriya fakultəsinin professorudur. O, həmçinin sözügedən universitetin İnkişaf Məhdudiyyətləri Məsələləri üzrə Mərkəzinin uşaqların inkişafı üzrə təlimçi direktorudur. Bu səfərini başa çatdırandan sonra doktor T.Lonq mayda yenidən Bakıya gəlməyi və Azərbaycan Tibb və Azərbaycan Pedoqoji universitetlərindən olan tərəfdaşları ilə işini davam etdirməyə planlaşdırır.