Bakı. Samir Əli - Trend:
Bakıda itkin düşən 29 yaşlı qadın tapılıb.
Trend-in məlumatına görə, hadisə paytaxtın Binəqədi rayonunda baş verib.
Binəqədi rayonu, 28 may qəsəbəsində yaşayan Babayeva Günel Mübariz qızı avqustun 29-da yaşadığı evdən çıxıb və geri qayıtmayıb.
Binəqədi rayon Polis İdarəsinin 40-cı Polis Bölməsindən Trend-ə verilən məlumata görə, G.Babayeva tapılaraq ailəsinə təhvil verilib.
Xatırladaq ki, 1990-cı il təvəllüdlü G.Babayeva mərhum yazıçı-jurnalist, "Ümid press" qəzetinin baş redaktoru Heybət Hörmətin oğlu Səhhət Hörmətin həyat yoldaşıdır.