Bakıda 2020-ci il möhtəşəm atəşfəşanlıqla qarşılandı (FOTO)

Bakı. Trend:

Dünya Azərbaycanlılarının Həmrəylik günü və Yeni il münasibətilə Dənizkənarı Milli Parkın ərazisində atəşfəşanlıq təşkil olunub.

Trend-in məlumatına görə, Dənizkənarı Milli Parkda izdiham yaşanıb. Belə ki, Bakı Şəhər İcra Hakimiyyəti tərəfindən təşkil olunan bayram atəşfəşanlığını on minlərlə insan maraqla izləyib.

Qeyd edək ki, Yeni il münasibətilə Dənizkənarı Milli Park, paytaxtın digər parkları və mərkəzi küçələri bayramsayağı bəzədilib, yolkalar qurulub. Həmçinin müxtəlif yeni il atributları və simvolları, nağıl qəhrəmanlarının fiqurları quraşdırılıb, müxtəlif yerlərdə bayram yarmarkaları təşkil olunub.

FOTO - Zaur Mustafayev