Bakı. Trend:
İlk xəbər 11:34-də yayımlanıb
Bakı-Ankara aviareysi ilə uçan və texniki səbəbə görə Bakı aeroportuna geri qayıdan təyyarə Ankaraya yola salınıb.
AZAL-dan Trend-ə verilən məlumata görə, təyyarə saat 13:00-da Ankaraya yola düşüb.
***
11:34
Bu gün saat 10:35-də Bakıdan Ankaraya yola düşən "Azərbaycan Hava Yolları" QSC-nin (AZAL) J2-003 nömrəli reysinin kapitanı texniki səbəbə görə Heydər Əliyev Beynəlxalq Aeroportuna qayıtmağa qərar verib.
Bu barədə Trend-ə AZAL-dan məlumat verilib.
Məlumata əsasən, təyyarə saat 11:05-də Bakının hava limanına uğurlu eniş edib.
İlkin məlumata görə, reys saat 12:30-a qədər gecikir.