Elmira Süleymanova: Pandemiya dövründə ölümlə üz-üzə qalan, həyatın mənasını dərk edən insanların düşüncəsi, həyata baxışı dəyişəcək

Elmira Süleymanova: Pandemiya dövründə ölümlə üz-üzə qalan, həyatın mənasını dərk edən insanların düşüncəsi, həyata baxışı dəyişəcək

Bakı. Orxan Cuvarlı - Trend:

Koronavirus pandemiyası qəfildən, sürətlə, bütün ölkələrdə yayılmaqla, böyük insan tələfatı və ölçüyəgəlməz itkilərlə dünyanı çaşqınlığa və vahiməyə saldı.

Bu barədə qlobal bəlaya çevrilmiş koronavirus pandemiyasıyla mübarizə ilə bağlı bugünkü vəziyyətimiz və gələcəyimiz haqqında düşüncələri və tövsiyələri ilə Azərbaycanın ilk Ombudsmanı, professor Elmira Süleymanova Trend-ə açıqlamasında bildirib.

Professor bildirib ki, bu, hər bir dövlət, xalq, insan üçün ağır imtahan və sınaq oldu:

“Hər bir dövlət bununla bağlı öz tədbirlərini həyata keçirdi. Onların çoxu gecikdiyi və adekvat tədbirlər görə bilmədiyi üçün uğursuz oldu və ağır nəticələr baş verdi. Azərbaycanın bu qlobal və taleyüklü bu bəla ilə tam fərqli mübarizə modeli oldu. Ümumdünya Səhiyyə Təşkilatının (ÜST) baş direktoru ölkəmizdə görülən tədbirləri yüksək qiymətləndirdi və örnək kimi göstərdi.
Əvvəldən ölkə başçısı Cənab İlham Əliyevin öz prioritetləri kimi insanların sağlamlığı, həyatı və sosial müdafiəsini müəyyən etdi. Koronavirusla mübarizə bu uğurlu strategiya və konseptual yanaşma üzərində quruldu. Bu istiqamətdə geniş spektrli, kompleks tədbirlər paketləri qəbul olundu. Ölkəmizdə hələ bir nəfərin də yoluxmadığı bir vaxtda qabaqlayıcı tədbirlər görüldü. Həqiqətən də, Azərbaycanda həm virusa yoluxanların sayı, həm də ölüm halları bir çox ölkələrlə müqayisədə nisbətən az oldu.

Prezident İlham Əliyevin çevik siyasəti, cəld və sərt səmərəli, qabaqlayıcı tədbirlərin həyata keçirilməsi, vaxtında, ehtiyaca uyğun maliyyə vəsaitinin ayrılması, səmərəli icra mexanizmi, nəzarət və monitorinqin təşkili uğura əsas verən səbəblər oldu. Vəziyyətin sonrakı dinamikasında da görülən tədbirlərə görə ölkəmizin koronavirusla mübarizə modeli bir çox dövlətlər tərəfindən ən səmərəli model kimi tanınır və bu təcrübədən faydalanılır. İnanıram ki, bu, sona qədər də belə olacaq.

Hələ ilkin zamanlarda ölkə başçısının göstərişi ilə Nazirlər Kabineti yanında Operativ Qərargah yaradıldı. Bu qurumun virusla mübarizənin təşkilində böyük əhəmiyyəti oldu. Qərargahın iş prosesinə bütün aidiyyəti Nazirliklər və dövlət qurumları cəlb olundu. Gərgin, ardıcıl, əlaqələndirilmiş və mərkəzləşdirilmiş fəaliyyət təşkil olundu və günün tələbinə uyğun tədbirlər görüldü. Operativ Qərargah vəziyyətə uyğun olaraq xüsusi karantin rejimi elan etdi və gündə bir neçə dəfə telekanallar vasitəsilə rejimin qaydaları əhaliyə izah edildi. Bu qaydalara əməl olunmasına isə polis və daxili qoşunların əməkdaşları tərəfindən nəzarət olunur. Müntəzəm olaraq vəziyyət müzakirə olunur, bu haqda brifinqlər təşkil edilir və ictimaiyyətə təqdim olunur.

Dövlət tərəfindən daha bir mühüm tədbir Koronavirusla Mübarizəyə Dəstək Fondunun yaradılması oldu. Belə bir fondun yaradılması dünyada ilk təcrübə idi. Prezident İlham Əliyevin və Birinci vitse-prezident Mehriban Əliyevanın əməkhaqlarını bu fonda ianə etməsinin ardından dövlət və özəl orqanlar, ayrı-ayrı şəxslər öz imkanları çərçivəsində fonda vəsaitlər köçürdü. İndiyədək fonda 110 milyon manatdan çox vəsait toplanıb. Bu fondun yaradılması maddi əhəmiyyətindən başqa, həm də milli həmrəylik, çətin günlərdə insanların birlik nümayiş etdirərək milli problemlərin həllində dövlətə dəstəyinin və məsuliyyətli yanaşmasının daha bir təzahürü idi. Nazirlər Kabinetinin qərarı ilə fondun fəaliyyətinə İctimai Nəzarət Şurası yaradıldı. Fonda toplanan vəsait əsasən xaricdən müasir tipli tibbi təchizatların, laboratoriyaların, testlərin, infeksiyadan qorunma vasitələrinin alınması, virusa yoluxmuş xəstələrin müalicəsi istiqamətində istifadə olunur.

Ölkəmizdə məcburən evdə qalan işçilərə, işsizlərə, muzdlu əməkçilərə, könüllülərə müxtəlif müavinətlər, maddi yardımlar təmin olunur. Qəhrəman həkimlərimizin əməkhaqqı 3-5, xüsusi karantin rejimi dövründə sosial xidmətlərə qatılan işçilərin maaşları isə bir misli qədər artırıldı. Tənha yaşayan 65 yaşdan yuxarı vətəndaşlara müxtəlif sosial yardımlar və xidmətlər göstərilir.

Geniş fəaliyyəti olan Heydər Əliyev Fondu, həmçinin Mehriban xanım Əliyevanın təşəbbüsü ilə yaradılmış Könüllülər hərəkatı müxtəlif aksiyalar təşkil edir. İmkansız ailələrə, tənha ahıllara, əlilliyi olan vətəndaşlara yardımları və sovqatları ilə onları sevindirdi. Fondun təşkil etdiyi qanvermə aksiyası da çox mühüm əhəmiyyətli tədbir oldu. Bir çox insanlar könüllü olaraq bu aksiyaya qoşuldu.

Mövcud tibb müəssisələrinin potensialına əlavə olaraq, ölkədə qısa müddət ərzində koronavirusla mübarizə məqsədilə müasir, 575 çarpayılı və 1500 tibb personalı üçün iş yeri imkanı olan xəstəxana istifadəyə verildi. Eyni zamanda, bu məqsədlə regionları əhatə edəcək daha 10 modul tipli xəstəxanalar sürətlə tikilir və müasir avadanlıqlarla təchiz olunur. Bu xəstəxanalar tezliklə vətəndaşların istifadəsinə veriləcək.

Ölkəmizdə koronavirusla mübarizə məqsədilə vahid proqramlar hazırlanır. Bu proqramların icra prosesinə demək olar ki, bütün dövlət qurumları qatılır. Azərbaycan Prezidentinin ”Biz birlikdə güclüyük!” çağırışı dillərdə dastan oldu. Bu şüar qısa müddət ərzində pandemiya ilə mübarizədə xalqımızın devizinə çevrildi və vətəndaş cəmiyyətinin, böyük hərəkatın özülünü qoydu.

Hərəkatın ən fəal iştirakçıları virusa yoluxmuş insanları müalicə edən, tibbi xidmət göstərən, öz həyatını, ailə üzvlərini hər an yoluxma təhlükəsi ilə üz-üzə qoyan, uzun müddət sevdiklərini, ailə üzvlərini görməyən, fədakar əməyi ilə qəhrəman adını qazanmış həkimlər və tibb işçiləri oldu. Düşünürəm ki, bundan sonra vətəndaşlarımız xarici ölkələrin həkimlərinin yanına getməz. İnsanlarımız hətta ən təhlükəli koronavirus dövründə belə professionallıq, humanizm, fədakarlıq göstərən həkimlərimizə müraciət edərlər. Paytaxtımızın gözəl binalarından birində “Eşq olsun qəhrəman həkimlərimizə” sözlərini hər bir kəs qürurla qarşılayır. Həqiqətən də həkimlərimiz böyük minnətdarlığa və hörmətə layiqdir.

Bu ağır, məsuliyyət tələb edən günlərdə polislər karantin rejimi qaydalarını pozmaq istəyən, vəziyyətin nə qədər təhlükəli olduğunu dərk etməyən vətəndaşları yoluxmadan qorumaq üçün yorulmadan bütün gün çalışır. Onlar hər bir piyada ilə xoş rəftarla, təmkinlə profilaktik söhbətlər aparırlar. Telekanallarda başqa ölkələrin polis əməkdaşlarının karantin qaydalarını pozanlarla necə sərt davrandığının şahidi oluruq. Düşünürəm ki, bu təcrübəmiz də dünyaya yayılmağa layiq olan daha bir örnəkdir. Əmək və Əhalinin Sosial Müdafiəsi Nazirliyi böyük həcmli işlərini mütəşəkkil, nizamlı təşkil edir və narazılığa yol vermədən yerinə yetirir. Belə xidmətlər göstərən ASAN Xidmət, DOST mərkəzləri də onlayn rejimdə işini davam etdirir və vətəndaşları razı salır.

Yaranmış vəziyyətdə əhali üçün olduqca əhəmiyyətli olan 24 saatlıq psixoloji yardım təşkil olunub. Təhsil Nazirliyinin proqramlarına uyğun, müntəzəm olaraq həm Azərbaycan, həm də rus dillərində orta məktəb şagirdləri üçün onlayn dərslər təşkil edir. Təhsil Nazirliyi “Evdə qal, təhsilsiz qalma”, Gənclər və İdman Nazirliyi “Evdə qal, idmansız qalma”, Mədəniyyət Nazirliyi “Evdə qal, evdə yarat” şüarları ilə fəaliyyətlərini qurub və çoxsaylı tədbirlər həyata keçirib.
Gündəlik proqramlar isə insanlara müntəzəm olaraq rəngarəng verilişlər, həmçinin maarifləndirici, əyləndirici buraxılışlar, maraqlı görüşlər və diskussiyalar təqdim edir. Belə olduğu halda, kiminsə evdə qalmaz əvəzinə, karantin rejimi qaydalarını pozmasını başa düşmək çətindir. Belə insanlar özlərindən əlavə, ailə üzvlərini, təmasda olduqları şəxsləri də virusa yoluxdururlar. Onların məsuliyyətsiz davranışları virusun ömrünü və karantin rejiminin müddətini daha da uzadır. Evdə qalan insanlar virus üçün əlçatmaz olduğunu, yaxın çevrəsini də bu virusdan qoruduğunu dərk etməlidir. Hər bir insan bu dünyaya ölümdən qorunmaq instinkti ilə qoşa gəlir. Odur ki, insanlar bu virusdan qorunmağın onların təbii instinktlərindən qaynaqlandığını başa düşməlidirlər. İnsanlar çalışmalıdırlar ki, yaşadıqları dövr ərzində hörmət, sonrası üçün isə rəhmət qazansın. Həyatın fəlsəfəsi budur. Bunları sosial şəbəkələrdə yalan, şər, böhtan, təhqiramiz ifadələrlə dolu olan xəbərlər yaymaqla insanları çaşdıran, onların narahatlığına, stres keçirməsinə səbəb olan və bununla da dövlətin, xalqın, cəmiyyətin maraqlarına ziyan vuranlar da dərk etməlidir.

Vicdanla, yüksək peşəkarlıqla, məsuliyyətlə və ləyaqətlə vətəndaşlıq borcunu həyata keçirən jurnalistlər ən ağır şəraitdə, faktlar əsasında real məlumatlar toplayır və bu həqiqətləri ictimaiyyətə çatdırır. Belə jurnalistlər də ən böyük hörmətə layiqdirlər. Bu gün biz onları xəstəxanaların palatalarında, koronavirusa yoluxmuş şəxslərdən xüsusi geyimdə müsahibə alarkən, habelə küçələrdə karantin rejimini pozanlarla, buna nəzarət edənlərlə söhbət edərkən görürük. Bu jurnalistlər faktlarla, təsdiqini tapmış məlumatlarla çıxış edirlər, ictimaiyyəti məlumatlandırırlar. Bununla yanaşı, Operativ Qərargah müntəzəm brifinqlərlə rəsmi məlumatları cəmiyyətə çatdırır. Onlar bu məsələdə yeganə etibarlı mənbədirlər.

Prezident İlham Əliyevin qayğısı nəticəsində koronavirusun hökm sürdüyü bir vaxtda əhalinin heç bir qrupu diqqətdən kənarda qalmır. Yüksək risk qrupu olaraq göstərilən ahıllara dövlət və cəmiyyət tərəfindən xüsusi diqqət göstərilir. İlk vaxtlardan əsas tələblərdən biri 65 yaşdan yuxarı olan şəxslərin mütləq şəkildə evdə qalması oldu. Onlara evlərində sosial xidmətlər göstərilir. Belə ağır bir şəraitdə dövlət başçısının yaşı 65-dən yuxarı olan 176 məhkumu əfv etməsi ilə bağlı sərəncamı daha bir humanist akt oldu. Bu da bir həqiqətdir ki, insanların hüquq və azadlıqlarının müdafiə olunması məqsədilə müstəqillik dövründə Azərbaycanda dünyanın heç bir dövlətində olmadığı kimi, 66 əfv sərəncamı imzalandı, 11 amnistiya aktı qəbul olundu. Beləliklə, on minlərlə insan ailələrinə qovuşdu.

Yeri gəlmişkən, belə bir dövrdə Ombudsman Aparatı da yaşlılara, uşaqlara, həssas qruplara maarifləndirmə, xeyriyyəçilik işini davam etdirir. Onlar həmçinin qanvermə aksiyasında da qoşuldular.

Çox mühüm haldır ki, koronavirusla mübarizə dövründə dövlət əhalinin qida bolluğunu, dərman və tibbi ehtiyaclarını, işıq, qaz və su ehtiyaclarını nizamla təmin edib.
Son illərin o cümlədən kadr islahatları çərçivəsində Azərbaycan Prezidenti tərəfindən mükəmməl təhsil alan gənclərin yüksək vəzifələrə təyin olunması, onlara etimad göstərilməsi koronavirusla mübarizə dövründə də müsbət nəticə verib. Dövlətin gənclərə münasibətini, diqqət və qayğısını daha bir faktla göstərmək olar. Karantin dövründə xaricdə təhsil alan minlərlə azərbaycanlı gəncin ölkəyə qaytarılması və karantinə yerləşdirilməsi onların sağlamlığına göstərilən daha bir qayğının təzahürüdür. Onlar ailələri ilə birlikdə bununla bağlı minnətdarlıqlarını ölkə başçısına bildiriblər.

Belə bir gərgin vəziyyətdə, iqtisadiyyatımızın böyük imkanları nəticəsində qısa müddətdə Sumqayıt Kimya Sənaye Parkında qoruyucu maskaların istehsalının başlanmasına və bunların çatışmazlıqları ilə bağlı narahatlıqların aradan qaldırılmasına nail olundu. Dövlətimiz indiyə qədər koronavirusla mübarizə çərçivəsində sosial-iqtisadi yardım və dəstək paketlərinin icrasına 3,5 milyard manatdan çox vəsait ayırıb. Ölkə Prezidenti aprelin 17-də nazirlərin iştirakı ilə videobağlantı formatında keçirilən iclasda bəyan etdi ki, onun üçün ən prioritet məsələ insanların sağlamlığı, həyatı və sosial müdafiəsidir. Ölkə başçısı bu iclasda koronavirusla mübarizədə öz konseptual yanaşmasına uyğun olaraq insanların rifahı üçün əlavə göstərişlər verdi, o cümlədən aztəminatlı ailələrə göstərilən yardımın əhatə dairəsini üç dəfə artırdı. Bu ödənişlər 600 min nəfərə iki ay müddətində veriləcək. Bununla yanaşı, əlavə iş yerlərinin 50 mindən 90 minə çatdırılması tapşırığı verildi.

Hər zaman olduğu kimi, koronavirus dövründə də əhalinin həssas qruplarına müvafiq yardımlar edildi. Bunun nəticəsidir ki, hər gün paytaxtdan və regionlardan Prezident İlham Əliyevin ünvanına minlərlə səmimi minnətdarlıq məktubları göndərilir. Bu məktublar insanların ölkə Prezidentinə olan inamının, etibarının daha bir təzahürüdür. Bu məktublar xalq-iqtidar birliyini bir daha ortaya qoyur.

Ölkəmizdə koronavirusa yoluxma və sağalmaların gündəlik dinamikası onu göstərir ki, Azərbaycan artıq bu ağır imtahandan uğurla çıxmaqdadır. Bu göstəricilər heç bir halda arxayınlıq yaratmamalıdır. Xüsusi karantin rejiminin mayın 4-dək uzadılması daha bir zəruri tədbirdir. Çünki gündəlik yoluxmaların sayı dalğavarı olaraq dəyişir. Bu dinamikanın yenidən mənfiyə doğru dəyişməməsi və virusla mübarizənin sonuna çatmaq üçün vəziyyət sabitləşənə qədər hər birimiz təmkinlə, həmrəy bir şəkildə xüsusi karantin rejiminin qaydalarına məsuliyyətlə yanaşmalıyıq. Biz bu dövrü dözümlə yola verməliyik. Bununla biz normal həyatımıza daha qısa müddət ərzində qayıda bilərik.

Həkimlərimizin tövsiyələrini də unutmayaq ki, karantin rejimi bitdikdən sonra da sanitar-gigiyenik qaydalara riayət etməliyik. Heç kim bu virusdan sığortalanmayıb. Bütün ölkələr bu virusdan az itkilərlə çıxmağın axtarışındadır. Bəşəriyyət tarixində sonsuz müharibələr və pandemiyalar olmayıb. Təbiət insan zəkasından güclü heç nə yaratmayıb. Bu dövrdə alimlər, həkimlər, bioloqlar, virusoloqlar və başqa mütəxəssislərin koronavirusla əlaqəli apardıqları intensiv araşdırmaların nəticəsi olaraq, yaxın zamanlarda virus əleyhinə vaksinlərin, peyvəndlərin tapılmasına ümid çoxdur. Artıq müxtəlif ölkələrdən belə sədalar da eşidilir. Şübhə yoxdur ki, insan koronavirusa da qalib gələcək. Hələlik isə bütün dünya bu virusdan qorunmağın yeganə yolu olan təcrid olunmanı tövsiyə edir. Biz də bu yolla özümüzü və yaxınlarımızı yoluxmadan, ölümdən qorumalıyıq. Unutmayın ki, biz birlikdə güclüyük! Odur ki, hamımız karantin rejiminə ciddi əməl etməli, evdə qalmalıyıq.

Eyni zamanda, artıq dünyanın gələcəyi və postkorona dövrü haqqında müxtəlif mülahizələr irəli sürülür. Belə fikirlər də eşidilir ki, bütün dünya dəyişəcək. Öz ölkəsinin vəziyyətindən, ehtiyacından, təcrübəsindən irəli gələn fikirlər də səsləndirilir ki, məsələn, koronavirusdan sonra iqtisadi, humanitar böhran yaşanacaq. Ölkəmizə gəldikdə isə, ölkə başçımızın rəhbərliyi ilə intensiv, çevik, yeni texnologiyalar tətbiq olunan sənaye, qeyri-neft sektorunun, regionların sosial-iqtisadi inkişaf proqramlarının tətbiqi, çoxsahəli kənd təsərrüfatı, özünüməşğulluq siyasətinin son illərdə sürətlə həyata keçirilməsi nəticəsində Azərbaycan dayanıqlı inkişaf yolunda inamla irəliləyir. Amma düşünürəm ki, koronavirus sindromu, insanlarda qorxu hissinin yaşanması mümkündür. Bunun qarşısını almaq üçün ailə üzvlərinin bir-birinə diqqətli olması, psixoloq xidmətlərinə də müraciət etməsi məsləhətdir. Zənnimcə, pandemiya dövründə ölümlə üz-üzə qalan, həyatın mənasını dərk edən insanların düşüncəsi, həyata baxışı dəyişəcək. İnsanların ailədə, cəmiyyətdə bir-birinə qarşı ünsiyyət münasibətləri də dəyişərək daha səbrli, dözümlü, məsuliyyətli, səxavətli və insanpərvər olacaq. İnanıram ki, dövlətimiz hər zaman olduğu kimi, insan faktorunu əsas tutaraq, bütün istiqamətlərdə sürətlə inkişaf edəcək. Dövlətimiz daha da yüksək zirvələr fəth edərək beynəlxalq miqyasda tutduğu öndərlik mövqeyini daha da möhkəmləndirəcək.

Əminəm ki, torpaqlarımız işğaldan azad olunacaq, ərazi bütövlüyümüz bərpa ediləcək. Bununla da Azərbaycanın bütövlüyü uğrunda canından keçmiş şəhidlərimizin ruhu şad olacaq.

Hamımızın yadındadır ki, tarixin ən ağır günlərində Ulu Öndərimiz belə demişdir: “Azərbaycan dünyaya günəş kimi doğacaq”. Bu, belə oldu, belə də davam edəcək. Odur ki, bu günlərdə biz gələcəyi də düşünməliyik. Virusdan qorunaraq əvvəlki həyatımıza qayıdacağımızı, yeni həvəslə, ideyalarla, enerji ilə gələcək həyatımızı quracağımızı unutmayaq. Artıq darıxdığımız işə, sənətə peşəyə qayıtmaq, yarımçıq qalmış işlərimizi yaradıcılıqla davam etdirmək, ictimai fəallığımızı artıraraq sevincimizi, kədərimizi, uğurlarımızı başqaları ilə bölüşmək, milli adət-ənənələrimizi, mənəviyyatımızı qoruyaraq ahıllara kömək, gənclərə dəstək, uşaqlara qayğı göstərmək və xeyirxahlıqla, səxavətlə ömrümüzü necə sürəcəyimiz haqqında düşünək. Çalışmalıyıq ki, ailələrimiz, övladlarımız, nəvələrimiz, nəticələrimiz sağlam, bilikli, ağıllı, yüksək mənəviyyatlı, vətənpərvər ruhda böyüsünlər.

Ümid edirəm ki, hər birimizin ürəyindəki arzulardan doğan arzuları çin olacaq. Çünki biz buna layiqik. Bütün bunların reallaşması üçün biz bu günlərdə evdə qalmalıyıq.

Bildiyiniz kimi, Bakı Kitab Mərkəzi ilə birlikdə “Koronavirusdan sonrakı həyat” adlı esse müsabiqəsi keçirilir. Düşünürəm ki, müsabiqə evdə qaldığımız bu günlərdə insanlara həm asudə vaxtlarını səmərəli keçirməyə imkan yaradacaq, həm də maddi stimul verəcək. Zənnimcə, bu təşəbbüsümüz yaradıcı ruhlu insanlar üçün də əhəmiyyətlidir.

Son olaraq daha bir vacib məsələyə toxunmaq istəyirəm. Bu gün biz müsəlman aləminin ən əziz aylarından biri olan Ramazan ayının ərəfəsindəyik. Arzulayaq ki, Allah əməlisalehlərin namazlarını, oruclarını, dualarını qəbul etsin. Xalqımızı və dünyamızı koronavirus bəlasından tezliklə qurtarsın. Azərbaycanı, dövlətimizi, xalqımızı qorusun.

Elimizin adətidir ki, ağbirçək sözünü eşidərlər və hörmətlə yanaşarlar. Əgər kimsə bu sözlərimi dərk edərək və tövsiyələrimlə razılaşaraq qərarını, münasibətini, davranışını dəyişsə, evdə qalsa, özünü, xalqımızı, dünyanı koronavirusdan qorusa qabaqcadan ona öz minnətdarlığımı bildirirəm və sağlam, uzun ömür və xoşbəxtlik arzulayıram”.

Azərbaycana gələn turistlərin sayı artıb
Azərbaycana gələn turistlərin sayı artıb
Azərbaycandan Gürcüstana gedən turistlərin sayı 80 faizə yaxın azalıb
Azərbaycandan Gürcüstana gedən turistlərin sayı 80 faizə yaxın azalıb
Qədim Nuh yurdu Naxçıvana nə üçün getməli? - REPORTAJ
Qədim Nuh yurdu Naxçıvana nə üçün getməli? - REPORTAJ
Loading Bars
Xəbər lenti
Qarabağda sahibkarlar vergi və rüsumlardan azad ediləcək - Nazir müavini (FOTO)
Paytaxtda növbəti həyət abadlaşdırılıb (FOTO)
Ermənilər Bərdəni atəşə tutmaqla əhali arasında təşviş yaratmaq istəyirdilər - Hərbi ekspert
Növbəti qəbul imtahanlarının mövzularında yeniliklər olacaq
Sabah hava necə olacaq?
Azərbaycanda 2022-ci il üçün ehtiyac meyarı artırılır
Məleykə Abbaszadə ixtisas qruplarındakı dəyişikliklərə aydınlıq gətirib
UNEC-də “Erməni dili” kurslarına start verilib
Türkiyə Milli Müdafiə Universitetinin nümayəndələri Azərbaycanın xüsusi təyinatlı təhsil müəssisələrində olub (FOTO)
Hazırda tədrisi distant aparan siniflərin sayı açıqlanıb
Yaşayış minimumunun məbləği artırılır
Saxta COVID pasportu satan xəstəxana rəhbərliyinə cinayət işi başlandı
Məhkəmə və hüquq-mühafizə sahələrinə xərclər 13 faizə yaxın artırılacaq
Vilyam Hacıyev xəstəxanadan təcridxanaya qaytarıldı
Goranboyda karantini pozan kafe sahibləri məsuliyyətə cəlb olunub (FOTO)
Dünya Bankı BVF direktorunun öz müdafiəsi üçün iclasın keçirilməsi müraciətini qəbul etməyib
BDU-da “Regionda sülhün qorunması: Qarabağın yenidən qurulması” mövzusunda konfrans keçirilib (FOTO)
Füzuli Beynəlxalq Hava Limanının açılması qələbəmizin davamıdır - Səttar Möhbalıyev
ƏƏSMN-in elektron xidmətlərinə 11,5 milyon müraciət qeydə alınıb
Ölkə üzrə koronavirusa yoluxan şagird və müəllimlərin sayı açıqlandı
Fəhlənin ölümündə təqsirləndirilən şirkət rəhbərinin işi məhkəməyə göndərildi
Qubadlıda icra olunan infrastruktur layihələri dinamik inkişafa hesablanıb - Kamaləddin Qafarov
Kaspersky identifikasiya, autentifikasiya və avtorizasiya arasındakı fərqi izah edir
Toy karvanında avtoxuliqanlıq edən sürücü həbs edilib (FOTO)
Azərbaycan Naxçıvana dotasiyaları artıracaq
DOST Agentliyi “Avropa Sosial Xidmətlər Mükafatı – 2021”in finalçılar siyahısında iki yer qazanıb
Türkiyə Azərbaycandakı layihələrə bundan sonra da sərmayə qoymağa hazırdır - İnvestisiyalar idarəsinin rəhbəri
Azərbaycan və Türkiyə liderlərinin birgə səyi regionda sülhün qarantıdır
“Baku Steel Company” istehsal və maliyyə göstəricilərini açıqladı
Biz Qarabağın sürətlə bərpasının şahidi oluruq - Bilal Ərdoğan
Dövlət Neft Fondundan büdcəyə köçürmələr 4,2 faiz artacaq
Yol polisi piyadalara yol verməyən sürücülərə xəbərdarlıq etdi
Sayğaclar dəyişdirilərkən abonent mexaniki sayğacdan imtina edə bilər - "Azəriqaz"ın rəhbəri
Yerli və xarici iş adamları Qarabağda sənayenin bərpasına investisiya qoymaq istəyirlər - Məmməd Musayev
Azərbaycanda təbii qazın qiyməti yenidən arta bilər? - "Azəriqaz"ın baş direktoru açıqladı
Bərdəyə raket hücumuna görə cavabdeh olanlar məsuliyyət daşımalıdırlar - Ceyhun Bayramov (FOTO)
Bir tərəfdə erməni vandalizmi, digər tərəfdə müasir ev – Tərtər sakininin dağılmış evi muzey kimi saxlanılacaq (FOTO/VİDEO)
Azərbaycanda 2022-ci ildə sosial sahəyə 4 milyard manata yaxın pul ayrılacaq
Qarabağa kiçik və orta biznesin cəlbi önəmlidir - Göksel Aşan
2022-ci ildə səhiyyəyə 1,8 milyard manata yaxın vəsaitin ayrılması gözlənilir
Gələn il təhsilə dörd milyard manata yaxın vəsaitin ayrılması planlaşdırılır
Azərbaycanın dövlət büdcəsinin gəlirləri 5 faizdən çox artacaq
Bakıda şirkətdə baş verən ölümlə bağlı cinayət işi başlandı
Yaxın zamanda avtobuslarda bank kartı vasitəsilə ödəniş etmək mümkün olacaq - BNA
Gələn il Azərbaycanda müdafiə və təhlükəsizlik xərclərinə 4,5 milyard manata yaxın vəsait ayrılacaq
Gələn il işğaldan azad olunmuş ərazilərin bərpasına ayrılacaq vəsaitin həcmi açıqlanıb
III ixtisas qrupu ilə bağlı dəyişiklik edilib
Azad edilmiş ərazilərdə bərpa işləri daha da sürətlənəcək - Mikayıl Cabbarov
Azərbaycanın mülki müdafiə planının hazırlanması üzrə Komissiya yaradılıb
Xarici valyutaların manata qarşı məzənnələri
Azərbaycan-Türkiyə münasibətləri ən yüksək səviyyədədir - Deputat
İranda zəncirvari qəza olub, 20-dən çox şəxs yaralanıb
Azərbaycan Qarabağdakı nəhəng layihələri ilə dünyanı heyrətləndirir - Sahil Kərimli
Qanunsuz ov edən şəxslər cəzalandırılıb
Azərbaycan və Türkiyə müdafiə nazirlərinin görüşü olub
Füzuli Beynəlxalq Hava Limanı Qarabağın çiçəklənməsi üçün lazım olan investisiyaların cəlb edilməsinə kömək edə bilər - Metyu Brayza
Yumşalmalar Bakıda ticarət obyektlərinin qiymətini bahalaşdırıb
Yaponiya əcnəbi tələbələrin mühüm texnologiyalara çıxışını məhdudlaşdıracaq
Çinin BMT-dəki nümayəndəsi yaşıl iqtisadiyyatа keçidi sürətləndirməyə çağırıb
Bəhreyn 3-11 yaşlı uşaqlar üçün Sinopharm vaksinini təsdiqləyib
ABŞ prezidenti çinli həmkarı ilə görüşü vacib hesab edir
İran və Pakistan XİN rəhbərləri Əfaqanıstandakı vəziyyəti müzakirə ediblər
ABŞ rəsmi Pxenyanı düşmən niyyətlərinin olmadığına əmin edib
Belçika COVİD-19-a qarşı tədbirləri sərtləşdirib
Avropa İttifaqının energetika nazirləri enerji daşıyıcılarının qiymət artımını müzakirə ediblər
Facebook səhmləri 4%-dək ucuzlaşıb
İŞİD-in hücumu nəticəsində İraqın şimalında azı 12 nəfər həlak olub
Angela Merkel rəsmi olaraq Almaniya kansleri vəzifəsini tərk etdi
ABŞ mütəxəssisləri uşaqların peyvənd edilməsinə icazə verməyə çağırıblar
Gürcüstan sularında Çin bayrağı altında üzən gəmi cərimələnib
Füzuli Beynəlxalq Hava Limanı Qarabağı Azərbaycana qırılmaz şəkildə bağlayacaq - Yalçın Topçu
44 günlük Vətən müharibəsinin xronikası: 27 oktyabr
Çində 4 milyonluq şəhər karantinə alındı
Evlərin təmiri zamanı dələduzlardan necə qorunmaq olar?
Türkiyə Prezidenti Rəcəb Tayyib Ərdoğanın Azərbaycana rəsmi səfəri başa çatıb (FOTO)
Prezident İlham Əliyev: Əminəm ki, bundan sonra da Türkiyə və Azərbaycan iki qardaş ölkə kimi bir yerdə irəli gedəcək
Həkəri və Bərgüşad çayları strateji əhəmiyyətə malikdir - AÇIQLAMA
Azərbaycandakı sürüşmə zonalarında mövcud vəziyyət açıqlanıb
Rəcəb Tayyib Ərdoğan: İşğaldan azad edilən bölgələrin qısa müddətdə sürətlə inkişaf etdirilməsi hər siyasətçinin işi deyil
Türkiyə bundan sonra da Azərbaycana dəstək verməyə davam edəcək - Rəcəb Tayyib Ərdoğan
Ermənilər ərazilərin onlara məxsus olmadığını bildikləri üçün şəhərlərimizi xarabalığa çeviriblər - Deputat
Prezident İlham Əliyev Türkiyə Prezidentinin Azərbaycana növbəti səfərini əsl qardaşlıq nümunəsi adlandırıb
Prezident İlham Əliyev: İki həftə sonra Şuşanın azad olunmasını böyük Zəfər bayramı kimi qeyd edəcəyik
Ermənistan Azərbaycanla münasibətlərində səmimi iradə ortaya qoyarsa, Türkiyə ilə də münasibətlərin normallaşması üçün əngəl qalmayacaq - Ərdoğan
Prezident İlham Əliyev: Bizim birgə addımlarımız tarixdə əbədi qalacaq
Qarabağ balı Fransaya ixrac olunacaq
Prezident İlham Əliyev: Türkiyə və Azərbaycan iki qardaş ölkə kimi hər zaman bir-birinin yanındadır
Ərdoğan Zəngəzur dəhlizinin təməlqoyma mərasimində: Ermənistan sərhədinə qədər gedirsiniz, elədirmi? Daha irəli gedəcəksiniz
Prezident İlham Əliyev: Şuşa Bəyannaməsi Azərbaycan-Türkiyə əlaqələrini rəsmən müttəfiqlik səviyyəsinə qaldırmışdır
Sumqayıtda marşrutların kart sistemində niyə problem yaranıb? - AÇIQLAMA
Sosial siyasətin uğurlu istiqamətlərindən biri şəhid ailələrinə daimi qayğıdır - Deputat
Azərbaycan və Türkiyə prezidentləri mətbuata birgə bəyanatlarla çıxış ediblər (FOTO/VİDEO) (YENİLƏNİB)
Rusiyalı media eksperti Teleradio Akademiyasında olub (FOTO)
Azərbaycan və Xorvatiya arasında birgə komissiyanın növbəti iclası keçirilib
ABŞ-ın Azərbaycana qarşı “907-ci düzəliş” ədalətsizliyi aradan qaldırılacaq? - AÇIQLAMA
Bolqarıstandan olan nümayəndə heyəti Ağdam və Tərtərdə dağıdılmış obyektlərə baxış keçirib
Təlim toplanışında iştirak edəcək hərbi vəzifəlilər hərbi hissəyə qəbul olunub (FOTO/VİDEO)
"Lukoyl"un "Şahdəniz" layihəsində payının artırılması prosesində məsləhətçi şirkətin adı açıqlanıb
Azərbaycan və Türkiyə prezidentlərinin təkbətək görüşü olub (FOTO/VİDEO)
Baş nazir Əli Əsədov BP-nin nümayəndə heyəti ilə görüşüb
Bütün xəbərlər