Bakı. İlhamə İsabalayeva - Trend:
Bu günə kimi 17 fənn üzrə 40 minə yaxın namizəd müəllim işləmək üçün imtahan verib.
Trend-in məlumatına görə, bunu Təhsil Nazirliyinin İnsan resurssları şöbəsinin müdiri Eşqi Bağırov deyib.
Onun sözlərinə görə, müəllimlərin işə qəbulu üzrə müsabiqənin test mərhələsi artıq başa çatmaq üzrədir:
“Sabah test imtahanı mərhələsi başa çatır. Artıq sabah 14.00-dan apelyasiya mərhələsi başa çatan fənlər üzrə vakansiya seçimi mərhələsini elan edəcəyik. Namizədlər iki gün davam edəcək bu mərhələdə 8 vakant yer seçəcəklər. Daha sonra elektron qaydada yerləşdirmə aparılacaq və vakanat yerləri tutmaq hüququ olan namizədlərə məlumat veriləcək”.