...

AYNA-nın sahibkarlıq subyektlərinə göstərdiyi bir sıra xidmətlər yeni ünvanda təşkil ediləcək

Cəmiyyət Materials 16 Yanvar 2023 15:00 (UTC +04:00)
AYNA-nın sahibkarlıq subyektlərinə göstərdiyi bir sıra xidmətlər yeni ünvanda təşkil ediləcək

Trend-i buradan izləyin

Fərid Zöhrabov
Fərid Zöhrabov
Bütün xəbərlər

Bakı. Trend:

Rəqəmsal İnkişaf və Nəqliyyat Nazirliyinin (RİNN) tabeliyində fəaliyyət göstərən Azərbaycan Yerüstü Nəqliyyat Agentliyi (AYNA) 2021-ci ildən etibarən beynəlxalq yük daşımaları üçün tələb olunan “İcazə” blanklarının daşıyıcılar arasında bölgüsünü şəffaf mexanizm əsasında həyata keçirir. Bölgüdə ictimai iştirakçılıq tam təmin olunur, yük daşıyıcılarının özləri də prosesdə iştirak edirlər.

RİNN-dən Trend-ə bildirilib ki, daşıyıcılar bölgü nəticəsində onlara ayrılmış “İcazə” blanklarını bundan sonra Kiçik və Orta Biznesin İnkişafı Agentliyinin (KOBİA) strukturuna daxil olan “Bakı KOB evi”ndə AYNA-nın əməkdaşlarından təhvil ala biləcəklər.

AYNA “Bakı KOB evi”ndə, həmçinin iriqabaritli yüklərin daşınması üçün icazə, “Fərqlənmə nişanı”, “Xüsusi fərqlənmə nişanı”nın verilməsi, avtomobil nəqliyyatı ilə müntəzəm şəhərdaxili (rayondaxili), şəhərlərarası (rayonlararası) və beynəlxalq marşrut üzrə sərnişin daşınması haqqında müqavilənin bağlanması, avtovağzalın (avtostansiyanın) fəaliyyət göstərməsi üçün pasportun verilməsi xidmətləri də göstərəcək.

“Bakı KOB evi”nin ünvanı: Bakı şəhəri, Akademik Ziya Bünyadov prospekti, 38C, 1969-cu məhəllə

Məqalədə:
Xəbər lenti

Xəbər lenti