Bakı. Trend:
Övladımın yaşında tərk etdiyim Füzuliyə, indi övladımla birlikdə qayıdıram.
Bunu Trend-ə açıqlamasında Füzuli sakini Raquf Cənnətəliyev deyib.
Onun sözlərinə görə, təbii olaraq, indi Füzuliyə qayıdışın böyük sevincini yaşayır.
“Füzulidə böyüyüb-başa çatmışıq, orada yaşamışıq. Mən oranı tərk
edən zaman kiçik uşaq idim, indi isə ailəmlə birlikdə Füzuliyə geri
dönürəm. Azərbaycanın hər bir yeri bizim üçün vətəndir. Lakin doğma
yurd istər-istəməz özünə çəkir.
Prezidentimizə təşəkkür edirik ki, bizim Füzuliyə qayıtmağımıza
şərait yaradıb”, - deyə o qeyd edib.
Xatırladaq ki, bu gün 34 ailə, yəni 123 nəfər Füzuli sakini öz yurduna geri qayıdır. Beləliklə indiyədək Füzuli şəhərinə 596 ailənin, yəni 2245 nəfərin daimi məskunlaşması təmin edilib.