...

İslam Konfransı Təşkilatının turizm nazirlərinin Bakı iclasının tarixi dəyişdirilib

Cəmiyyət Materials 2 May 2006 12:30 (UTC +04:00)

Trend-i buradan izləyin

İslam Konfransı Təşkilatının (İKT) turizm nazirlərinin Bakı iclasının tarixi dəyişdirilib. Bu barədə Trend ə Azərbaycanın Mədəniyyət və Turizm Nazirliyindən məlumat verilib.

Əgər əvvəllər iclasın keçirlməsi iyul ayına planlaşdırılmışdısa, indi tədbir sentyabr ayına kimi təxirə salınıb. Xatırladaq ki, iclasın Bakıda keçirilməsi barədə qərar təşkilatın üzvü olan ölkələrin xarici işlər nazirlərinin sonuncu iclasında qərara alınıb. İKT ölkələri XİN rəhbərlərinin və turizm nazirlərinin növbəti iclasının keçirilməsilə bağlı Azərbaycan tərəfinin təklifi təşkilatın bütün 57 üzvü tərəfindən təsdiqlənib.

Nazirlikdən verilən xəbərə görə, hazırda iclasın gündəliyi hazırlanır. Buraya islam ölkələrində turizmin inkişafı məsələləri ilə yanaşı, bu ölkələrin ərazisində hərbi münaqişələr zamanı mdəni irsin məhv edilməsi məsələsi də daxil edilib. Eləcə də, Bakıda Ermənistanın Azəçrbaycanın işğal olunmuş ərazilərində tarixi abidələri məhv etməsi məsələsi qaldırılacaq.

Gündəlik təşkilatın ekspertlərinin qarşıdakı iclası zamanı razılaşdırılacaq və təsdiq ediləcək.

Xəbər lenti

Xəbər lenti