"Atasport" qadınlardan ibarət otüstü xokkey klubu bu gunlərdə Almaniyada keçirilən Çempionlar Kubokunun bürünc mükafatı uğrunda mübarizə aparacaq.
Trend in xəbər verdiyi kimi, Qrodnonun "Ritm" (2:1), Şotlandiyanın "Boqarqas Qrouv" (2:0) klubları üzərində qələbə qazanan və İngiltərənin "Kentrberi" (0:3) komandasına məğlub olan Adil Paşayevin yetirmələri 6 xal toplayıb. Əvvəlcədən yarışın favoritləri hesab olunan britaniyalılar qrupda 1-ci yeri tutub və qızıl medal uğrunda mübarizə aparmaq şansı qazanıb. "Atasport" isə iyunun 5-də "bürünc" uğrunda mübarizədə Almaniyanın "Berliner" komandası ilə görüşəcək.
Xatırladaq ki, ötən il milli yığmanın əsasını təşkil edən azərbaycanlı xokkeyçilər Kubokun finadınadək gəlib çıxsa da, həlledici oyunda Hollandiya nümayəndələrinə məğlub olmuşdu.