Azərbaycanın insan haqları üzrə müvəkkili (ombudsman) Elmira Süleymanova iyulun 10-13-də Fransaya səfər edəcək və İnsan haqları üzrə II Ümumdünya Forumunda iştirak edəcək. Bu barədə Trend ə Azərbaycanın ombudsman aparatından xəbər veriblər.
Nant şəhərində keçiriləcək forumda beynəlxalq və dövlət strukturlarının insan haqlarının müdafiəsi sahəsində fəaliyyət göstərən nümayəndələri iştirak edəcək. Forumun məqsədi insan haqları müdafiəsinin həmrəyliyinin beynəlxalq şəbəkəsinin yaradılmasıdır. 3 gün ərzində forum iştirakçıları "Bərabərsizlik və müxtəliflik", "İqtisadi qloballaşma və insan haqları", "Qayğıdan məhrum olunmuş uşaqlar", "Yoxsulluqla mübarizə və insan haqları" və s. mövzuları müzakirə edəcəklər.