İlin sonunadək Azərbaycanda 230 yeni məktəb və əlavə korpusların inşası planlaşdırılır.
Bu barədə Trend ə Təhsil Nazirliyindən məlumat verilib.
Belə ki, məktəb tikintisi üzrə dövlət proqramları, Heydər Əliyev Fondu və Səudiyyə Ərəbistanının İnkişaf Fondunun layihələri əsasında 91 min 572 yerlik yeni məktəb və əlavə korpuslar (163+67) tikilir. Bunlardan 44 min 438 yerlik 167 yeni məktəb və əlavə korpuslar (118+49) istismara veriləcək.
69 məktəbdə əsaslı təmir işləri aparılır. Əvvəlki illərlə müqayisədə bu il Təhsil Nazirliyinin xətti ilə əsalı təmir işləri aparılır. Plana görə, ölkənin 32 bölgəsində 46 təhsil müəssisəsi, o cümlədən 44 məktəb və 2 uşaq bağçası əsaslı təmir olunacaq.
Bundan başqa, proqram çərçivəsində Abşeron, Binəqədi, Sabunçu, Əzizbəyov, Suraxanı və Qaradağ rayonlarında təxminən 12 məktəb üçün əlavə korpus tikiləcək, 12 məktəb isə əsaslı təmir olunacaq.