Azərbaycanın atletika komandası sentyabrın 13-də Soçidə başlayacaq oğlanlar və qızlar arasında Qafqaz Kubokunun I oyununda iştirak edəcək.
Trend in xəbər verdiyi kimi, kollektivə 10 kişi və 9 qadın atlet daxil olub. İdmançılarımızın sprinter və stayer məsafələrə qaçışda, hündürlüyə və uzununa, həmçinin, üçqat tullanmada yüksək yerlər uğrunda mubarizə aparacağı gözlənilir. Yarışda, həmçinin, Türkiyə, Rusiya və Gürcüstandan olan atletlər də çıxış edəcək və idmançılarımızın əsas rəqibləri olacaq.
Qeyd etmək lazımdır ki, turnirin keçirilməsində məqsəd daha istedadlı idmançıları aşkar etməkdən və beynəlxalq yarışlarda iştirak təcrübəsi olmayan yaxın rezervi yoxlamaqdan ibarətdir.