Azərbaycan, Bakı, 3 may /müx. "TrendLife" V.Vüqarlı/
Tanınmış müğənni Xumar Qədimova İstanbulda yerləşən bahalı "Tim" salonunda verdiyi konsertdən çox razı qalıb. Konsertdə 2000-nə yaxın adam iştirak edib. Nəinki Türkiyənin müxtəlif şəhərlərindən, hətta İrandan da çoxlu tamaşaçı gəlib. "Mən bu konsertdən çox məmnun qaldım. Burada tək azərilər yox, tanınmış türk müğənniləri Kübariyyə və Çelik də iştirak edirdi. Kübariyyə hətta mənim "Ayrılıq" mahnımı ifa etdi" - deyə Qədimova təəssüratlarını bölüşüb. Onu da qeyd edək ki, "Bir azca da döz" adlı konsert proqramında müğənni öz ansamblı ilə birgə 19 mahnı ifa edib.