Azərbaycan, Gəncə / Trend müxbir V.Məmmədov/ Qədim Gəncə darvazaları bərpa olunduğu ərazidə simvolik döyüş topları quraşdırılır. Bu haqda çərşənbə axşamı şəhər Mədəniyyət və Turizm İdarəsinin rəisi Mina Məlikova məlumat verib.
Onun sözlərinə görə, quraşdırılacaq dörd topdan şəhərdə keçiriləcək təntənəli bayramlarda atəş açılacaq. Topların quraşdırılması sentyabrın sonlarına başa çatacaq. Gəncə darvazaları şəhərin Bakı istiqamətindən girişində ucaldılıb.
Hündürlüyü 3 metr 70 sm olan qapının hazırlanmasında həm yeni, həm də qədimi materiallardan istifadə olunub. Qala barılarını tikmək üçün lazım olan kərpiclər Naxçıvandan gətirilir.
Gəncə darvazasının əsli Gürcüstanın Kutaisi şəhərindədir. Onu 1139-cu ildə Gəncədə zəlzələ baş verən zaman gürcü ordusu aparıb.
Akademik Rafael Əhmədov 2000-ci ilə qədər qədim şəhər xarabalıqlarında apardığı arxeoloji qazıntılar zamanı Gəncə darvazalarının qalıqlarını tapıb. Sonralar Gəncə Regional Elm Mərkəzi həmin qalıqları toplayıb və bərpa edib.
Gəncə paytaxt Bakıdan 365 kilometr qərbdə yerləşir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
.jpg)
.jpg)
.jpg)
.jpg)
.jpg)
