Azərbaycan güləşçisi bürünc medal uğrunda mübarizə aparacaq (ƏLAVƏ OLUNUB)
Azərbaycan, Bakı, 7 avqust /Trend/
Bu gün 2012-ci il Yay Olimpiya Oyunlarında Azərbaycan güləşçisi Şalva Qadabadze mübarizəyə qoşulub.
Trend-in məlumatına görə, 96 kq çəki dərəcəsində çıxış edən idmançımız ilk görüşünü 1/8 finalda rusiyalı Rüstəm Totrova qarşı keçirib.
İlk hissədə qalib gələn (3:0) təmsilçimiz ikinci hissədə bu uğurunu təkrarlaya bilməyib (0:1)
Üçüncü hissədə də rəqib üstün olub (0:2).
Beləliklə, Şalva növbəti mərhələyə adlaya bilməsə də, bürünc medal qazanmaq şansını saxlayıb. Belə ki, Rüstəm Totrov finala yüksəlib.
Təmsilçimiz bürünc medal uğrunda ilk görüşünü İsveç güləşçisi Cimmi Lidberqə qarşı keçirəcək.
