Azərbaycan, Bakı, 8 mart /Trend/
Azərbaycan Premyer Liqasında fevral ayında vurulmuş ən gözəl qolun müəllifi bu gün bilinəcək.
Trend-in məlumatına görə, Peşəkar Futbol Liqasının saytında keçirilən sorğu bu gün saat 18:00-da başa çatacaq. Ən çox səs toplamış futbolçuya PFL və Topaz tərəfindən xüsusi mükafat veriləcək.
Qeyd edək ki, hazırda əsas rəqabət "İnter"dən Asif Məmmədov və "Turan"dan Ender Günlü arasında gedir.