...

Azərbaycan güləşçiləri İranda ilk dəfə olaraq yeni çəki dərəcələrində mübarizə aparacaqlar

İdman Materials 21 Yanvar 2014 11:44 (UTC +04:00)
23-24 yanvar 2014-cü il tarixdə İran İslam Respublikasının Tehran şəhərində yunan-Roma güləşi üzrə "Yadigar İmam Kuboku" beynəlxalq turniri keçiriləcək.
Azərbaycan güləşçiləri İranda ilk dəfə olaraq yeni çəki dərəcələrində mübarizə aparacaqlar

Azərbaycan, Bakı, 21 yanvar /Trend/

23-24 yanvar 2014-cü il tarixdə İran İslam Respublikasının Tehran şəhərində yunan-Roma güləşi üzrə "Yadigar İmam Kuboku" beynəlxalq turniri keçiriləcək.

Azərbaycan Güləş Federasiyasının mətbuat xidmətindən Trend-ə verilən məlumata görə, turnirdə yunan-Roma güləşi üzrə yığma komandamız da iştirak edəcək.

Artıq güləşçilərimiz turnirdə iştirak üçün İrana səfər edib. Heyətdə 8 pəhləvan yer alıb. Elman Muxtarov (59 kq), Azad Əliyev (66 kq), Hacımurad Bağmanov (71 kq), Niyaməddin İbrahimov (75 kq), Elvin Mürsəliyev (80 kq), Orxan Nuriyev (85 kq), Araz Həsənov (98 kq) və Valera Rodriqes (130 kq) turnirdə ölkəmizi təmsil edəcək.

Beynəlxalq dərəcəli hakim Kamran Əliyev görüşlərin idarə edilməsində iştirak edəcək.

Xatırladaq ki, bir müddət əvvəl Beynəlxalq Güləş Federasiyası (FİLA) çəki dərəcələrində dəyişikliklər edib və yığma komandamızın üzvləri ilk dəfə olaraq yeni çəki dərəcələrində mübarizə aparacaqlar.

Turnirin proqramına əsasən, yanvarın 23-də 59, 71, 80 və 98 kq, yanvarın 24-də isə, 66, 75, 85 və 130 kq çəki dərəcələrində qaliblər müəyyənləşəcək.

Məqalədə:
Xəbər lenti

Xəbər lenti