Bakı. Trend:
Futbolçu Ramil Şeydayev AFFA-ya müraciət edərək Azərbaycan milli komandasında çıxış etmək arzusunda olduğunu bildirib.
Trend AFFA-ya istinadən məlumat verir ki, R.Şeydayevin Azərbaycan milli komandasında çıxış etməsinin hüquqi baxımdan mövcud qaydalara uyğun olub-olmamasının müəyyənləşdirilməsi məqsədilə AFFA FIFA-nın müvafiq komitəsinə müraciət ünvanlayıb.
FIFA-nın məsələ ilə bağlı qərarı barədə ictimaiyyətə məlumat veriləcək.
Qeyd edək ki, 20 yaşlı R.Şeydayev ötən futbol mövsümündə “Zenit-2” komandasında çıxış edib. Azərbaycanlı futbolçu qarşıdakı mövsümdən Türkiyənin “Trabzonspor” klubunda oynayacaq.