Bakı-2017: Üzgüçülük yarışları başlayıb ((FOTO)

Bakı. Trend:

IV İslam Həmrəyliyi Oyunları çərçivəsində Bakının Su İdman Oyunları Sarayında üzgüçülük yarışlarına start verilib.

Trend-in məlumatına görə, kişilər arasında 50 metr məsafəyə brass üsulu ilə üzmə yarışlarından başlanıb. Türkiyəli üzgüçü Hüseyn Əmrə Sakçı ən yaxşı nəticə göstərib - 28,09 saniyə.

Azərbaycan üzgüçüsü Vəli İsrafilov 32,48 saniyə nəticə ilə 19-cu yeri tutub.

Kişilər arasında 400 metr məsafəyə sərbəst üsulla üzmə yarışlarında isə iordaniyalı Kader Qetriç Baqla 4:00.13 saniyə nəticə göstərərək birinci olub.

Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.