Bakı. Trend:
Laçın rayonunun Hoçaz və Mollalar kəndləri ətrafında dağlıq ərazidə baş vermiş yanğın FHN-in Dövlət Yanğından Mühafizə Xidmətinin qüvvələri tərəfindən tam söndürülüb.
Bu barədə Trend-ə Fövqəladə Hallar Nazirliyindən məlumat verilib.
xxx
10:40
Laçın rayonu, Hoçaz kəndi istiqamətində dağlıq ərazidə baş verən yanğın tam nəzarətə götürülüb.
Bu barədə Trend-in sorğusuna cavab olaraq Fövqəladə Hallar Nazirliyindən məlumat verilib.
Bildirilib ki, hazırda yanğının söndürülməsi istiqamətində tədbirlər görülür.
"Hoçaz kəndi istiqamətində dağlıq ərazidə baş verən yanğın tam nəzarətə götürülüb", - qurumdan əlavə olunub.
Qeyd edək ki, dünən axşam saatlarında Laçın rayonu, Hoçaz kəndi istiqamətində dağlıq ərazidə yanğın baş verib. Yanğınsöndürənlərin çevik müdaxiləsi sayəsində yanğın qısa müddətdə nəzarətə götürülüb.