Bakı. Trend:
Çempionlar Liqasının 1/8 final matçlarının cavab qarşılaşmaları keçirilib.
Trend-in məlumatına görə, İtaliya futbol klubu "Yuventus" səfərdə "Tottenhen" üzərində qələbə qazanıb.
Oyun 1:2 hesabı ilə yekunlaşıb. Qolları 39-cu dəqiqədə Son Xın Min, 64-cü dəqiqə Qonzalo İquain, 67-ci dəqiqədə isə Dibala vurublar.
Xatırladaq ki, komandalar arasında keçirilən ilk oyun 2:2 hesablı heç-heçə ilə yekunlaşmışdır.
Beləliklə, turnirin 1/4 final mərhələsinə "qoca senyora" yüksəlib. Onun rəqibi püşkatma nəticəsində müəyyənləşəcək.