Bakı. Trend:
UEFA Avropa Liqasının qrup mərhələsində "Qarabağ"ın oyunlarının təqvimi məlum olub.
Trend-in məlumatına görə, Ağdam təmsilçisi ilk görüşünü sentyabrın 8-də Almaniyada "Frayburq"la keçirəcək.
İkinci turda sentyabrın 15-də komanda Bakıda "Nant"ı qəbul edəcək. Üçüncü və dördüncü turlarda "Qarabağ" "Olimpiakos"la üz-üzə gələcək. Komandalar oktyabrın 6-da Yunanıstanda, oktyabrın 13-də Bakıda qarşılaşacaq.
Oktyabrın 27-də "Qarabağ" Fransada "Nant"la qarşılaşacaq və sonuncu turda, noyabrın 3-də Bakıda "Frayburq"u qəbul edəcək.
Qarabağın səfər matçları Bakı vaxtı ilə 23:00-da, ev oyunları 20:45-də başlayacaq.