Bakı. Trend:
Sentyabrın 30-dan oktyabrın 8-dək Belçikanın Antverpen şəhərində idman gimnastikası üzrə 52-ci dünya çempionatı keçiriləcək.
Trend-in məlumatına görə, 11-16 aprel tarixlərində Türkiyənin Antalya şəhərində idman gimnastikası üzrə keçirilmiş Avropa çempionatının nəticələrinə əsasən Azərbaycanın idman gimnastikası üzrə yığma komandasının üzvləri İvan Tixonov çoxnövçülük, Nikita Simonov halqalar, Nazənin Teymurova isə gimnastika tiri, dayaqlı tullanma və sərbəst hərəkətlər proqramında dünya çempionatında iştirak hüququ qazanıb.