Bakı. Trend:
Türkiyənin "Qalatasaray" klubu hücum xəttini yeni oyunçu ilə gücləndirməyə hazırlaşır.
Trend-in məlumatına görə, İstanbul təmsilçisi "Milan"ın hücumçusu Alvaro Moratanı transfer etməyə yaxındır. Bu barədə insayder Fabritsio Romano məlumat yayıb.
Hazırda "Qalatasaray" ispan forvard üçün İtaliya klubu ilə danışıqlar aparır. Klubların yaxın saatlarda razılığa gələcəyi gözlənilir.
Qeyd edək ki, "Milan" Alvaro Moratanı mövsümün əvvəlində "Atletiko"dan 13 milyon avroya transfer edib. Avro-2024-ün qalibi olmuş 32 yaşlı hücumçu A Seriyasında 25 oyunda 6 qol vurub və 2 məhsuldar ötürmə verib. Onun İtaliya klubu ilə müqaviləsi 2028-ci ilin yayına kimidir.