Bakı. Trend:
Azərbaycanda təşkil olunacaq futbol üzrə "FIFA Series – 2026" beynəlxalq turnirinin oyun cədvəli müəyyənləşib.
Trend xəbər verir ki, Azərbaycan, Syerra-Leone, Oman və Sent-Lüsiya milli komandalarının iştirak edəcəyi yarışın ilk qarşılaşmaları martın 27-də baş tutacaq.
Turnirin ilk oyun günündə qalib gələn komandalar martın 30-da finalda üz-üzə gələcək, məğlub olan kollektivlər isə üçüncü yer uğrunda mübarizə aparacaqlar.
Turnirin təqvimi aşağıdakı kimidir:
27 mart
Saat 15:00. Oman – Syerra-Leone
Məkan: Dalğa Arena
Saat 19:00. Azərbaycan – Sent-Lüsiya
Məkan: Mehdi Hüseynzadə adına Sumqayıt şəhər stadionu
30 mart
Saat 15:00. Üçüncü yer uğrunda oyun (məğlublar)
Məkan: Dalğa Arena
Saat 19:00. Final (qaliblər)
Məkan: Mehdi Hüseynzadə adına Sumqayıt şəhər stadionu